چيني قونصليٽ تي حملي جو ڪيس حربيار مري سميت 13 جوابدارن تي داخل، 3 سهولتڪار گرفتار

0Shares

ڪراچي(اسٽاف رپورٽر) چيني قونصليٽ تي حملي جو ڪيس داخل ڪيو ويو، . پوليس مطابق چيني قونصل خاني تي حملي جو ڪيس ايس ايڇ او بوٽ بيسن جي فرياد تي داخل ڪيو ويو آهي، جنهن ۾ دهشتگردي، ڌماڪيدار مادو رکڻ، قتل، قتل جي ڪوشش ۽ ٻيا قلم شامل ڪيا ويا اهن، جڏهن ته ڪيس ۾ مارجي ويل ٽنهي دهشتگردن کي نامزد ڄاڻايو ويو آهي. ڪيس جي متن مطابق دهشتگردن 2 پوليس اهلڪارن کي قتل ڪيو، گيٽ تي مقرر جمن خان کي فائرنگ ڪري زخمي ڪيو، قونصليٽ ايندڙ ماڻهو فائرنگ جو آواز ٻڌي اندر هليا ويا، دهشتگردن دروازو ٽوڙڻ جي ڪوشش لاءِ آءِ اي ڊي ڊوائيس استعمال ڪيو. ڪيس جي متن مطابق دهشتگردن جي فائرنگ سان 2 ڄڻا ٻيا به مارجي ويا، جڏهن ته پوليس ۽ رينجرز ٽنهي دهشتگردن کي فائرنگ ڪري ماري وڌو. متن ۾ وڌيڪ ٻڌايو ويو آهي ته حملي ۾ قونصليٽ ٻاهريان بيٺل 9 گاڏين کي نقصان پهچايو ويو، مين گيٽ تي مارجي ويل دهشتگرد جي قبضي مان هڪ ڪلاشنڪوف هٿ آئي، جڏهن ته ان جي بيگ مان سڃاڻپ ڪارد ۽ سرڪاري سروس ڪارڊ به هٿ آيو. ڪيس جي متن مطابق ڪمري اندر مارجي ويل دهشتگرد کان هڪ ڪلاشنڪوف ۽ گوليون هٿ آيون، جڏهن ته قونصليٽ ٻاهر مارجي ويل دهشتگرد کان هڪ ڪلاشنڪوف، گوليون ۽ ميگزين هٿ ڪيو ويو، دهشتگرد جي ٿيلهي مان 3 بم ۽ طبي امداد جو سامان پڻ مليو، جڏهن ته واقعي واري هنڌ 7 دستي بمن ۽ ڪلاشنڪوف جي گولين  جا 40 خول مليا. متن ۾ ٻڌايو ويو آهي ته مارجي ويل دهشتگردن جو تعلق پابندي مڙهيل تنظيم بي ايل اي سان آهي ۽ ان جو تعلق ڀارتي ڳجهي ايجنسي را سان آهي. ڪيس ۾ مارجي ويل دهشتگردن جي 13 سهولتڪارن کي به نامزد ڪيو ويو آهي جن ۾ پهريون نالو حربيار مري جو آهي حربيار مري مرحوم بلوچ اڳواڻ خيربخش مري جو پٽ آهي قونصليٽ حملي جي سهولتڪارن ۾ اسلم اڇو، نوربخش مينگل، ڪريم مري، ڪمانڊر نثار، ڪمانڊر شريف، آغا شيردل، ڪمانڊر گيندي، ڪمانڊر گيندو، ڪئپٽن رحمان گل، ڪمانڊر حمل، حربيار مري، ميرڪ بلوچ، بشير زيب ۽ ڪمانڊر منشي شامل آهن ايف آءِ آر جي متن ۾ درج آهي ته حملي دوران مارجي ويل  دهشتگرد روپوش جوابدارن سان رابطي ۾ هئا. ٻئي طرف دهشتگردن جي استعمال هيٺ گاڏي جي فرانزڪ مڪمل ڪئي وئي. جاچ ادارن موجب گاڏي جي رجسٽريشن 6 سال پراڻي آهي.  گاڏي تي 3کان وڌيڪ ماڻهن جا فنگر  پرنٽس  موجود  آهن جيڪي حاصل ڪيا ويا آهن. دهشتگردن جي استعمال  هيٺ  هٿيارن جا به فنگر پرنٽس ورتا ويا جيڪي نادرا  کي اماڻيا ويا.  سهولتنڪارن  گاڏي خريد ڪرڻ لاءِ دهشتگردنجي مدد ڪئي. ٻئي طرف  حساس ادارن ڪراچي ۽ شهدادپور ۾ڪارروائي ڪري حملي ۾ ملوث دهشتگردن جي 3  سهولتن کي گرفتار ڪري  ورتو آهي.  شهدادپور ۾ دهشتگردن  جي سهولتڪار  علاوالدين  قريشي جي گرفتاري لاءِ  ڪارروائي  ڪئي پر علاوه الدين  هٿ نه آيو.  سهولتمن جي 2  مائٽ  لياقت  علي  ۽  ڪرامت  کي حراست ۾ ورتو ويو. ذريعن موجب حملي دوران استعمال  ٿيل سم سهولتڪار علاوالدين  قريشي جي آهي  قانون لاڳو ڪندڙ ادارن ڪراچي مان به هڪ سهولتڪار  کي گرفتار ڪيو ويو آهي. جن جا بيان پڻ رڪارڊ ڪيا ويا.  سهولتڪارن گاڏي جي خريداري  ۾ اهم ڪردار ادا ڪيو. جاچ ادارن کي حملي ۾ ڀارت ايجنسي  را  ۽ افغانستان  جي ڳجهي ادارن  اين ڊي ايس جي  ملوث  هجڻ جا ثبوت ملي ويا آهن. ذريعن موجب حملي جي ماسٽر مائينڊ  اسلم اڇو جا  اين ڊي ايس جا واسطا  هئا. ٻئي طرف  سي  ٽي ڊي انچارج  راجا عمر خطاب  چيو  آهي ته حملي ۾ سي فور  بارودي مواد استعمال ڪيو ويو جيڪو ديسي  سافٽ  جو ناهي. دهشتگردن جو انگ 4 نه  پر 3 ئي هو.  دهشتگردن  جي اچڻ ۽  پناھ  وٺڻ  بابت معلومات  حاصل ڪري ورتي آهي. هن چيو ته  حملي پويان دشمن ملڪ جي ايجنسي جو هٿ آهي. اسلم اڇو  بي ايل اي جو اهم ڪمانڊر آهي.

0Shares

اپنا تبصرہ بھیجیں