سنڌو درياءَ تي وڌيڪ ڊيم ٺاهيا ويندا، ڪير به روڪي نٿو سگهي: چيف جسٽس

0Shares

لنڊن(م ڊ) سپريم ڪورٽ جي چيف جسٽس ثاقب نثار واضح ڪيو آهي ته پاڪستان ۾ ڊيم جي اڏاوت کان ڪير به روڪي نه ٿو سگهي، ڇو ته پاڪستان جي بقا لاءِ ڊيم ضروري آهن. ڊيم جي اڏاوت لاءِ لنڊن جي مقامي هوٽل ۾ فنڊ گڏ ڪرڻ واري تقريب کي خطاب ڪندي چيف جسٽس ميان ثاقب نثار چيو ته ڪالاباغ ڊيم جي معاملي تي خبر پئي ته صوبن ۾ اتفاق ناهي ته سوچو هلو ڀائرن ۾ ڏڦيڙ نه ڪرڻ گهرجي پر ديامير ۽ مهمند ڊيم تي سمورن صوبن کي اتفاق آهي. هن چيو ته مهمند ۽ ديامير ڀاشا ڊيم ڇو نه ٺهي، ان سلسلي ۾ غفلت ڪنهن جي هئي اڄ خبر پئجي وئي، هاڻي سنڌو درياهه تي به ڪيترائي ڊيم ٺهندا، ڪو اهو نه سمجهي ته ڊيم جي اڏاوت ۾ رنڊڪ وجهندو. هن چيو ته ڊيم جي اڏاوت جو حڪم سپريم ڪورٽ ڏنو آهي ۽ حڪومت سپريم ڪورٽ جي حڪمن تي عمل ڪري رهي آهي. چيف جسٽس ثاقب نثار چيو ته بلوچستان ۾ تعليم، صحت ۽ پاڻي جا سنگين مسئلا آهن، صوبي ۾ پاڻي 2 هزار فوٽ تي آهي، جيڪڏهن پاڻي جو مسئلو فوري طور حل نه ٿيو ته ماڻهن کي منتقل ٿيڻو پئجي سگهي ٿو. هن چيو ته پاڻي سبب ماڻهن کي زندگي کان محروم نٿو ڪري سگهجي، پاڻي زندگي آهي ۽ زندگي جو وجود پاڻي سان ئي آهي. هن چيو ته ڊيم لاءِ منهنجي ڏوهٽي به پنهنجي جمع ٿيل رقم مان حصو وڌو، سپريم ڪورٽ جي جج ٻارڙن جا رانديڪا وڪرو ڪري 7 هزار رپيا جمع ڪيا. هن چيو ته مان پنهنجي ملڪ ۾ گهڻي بي انصافي  ڏٺي آهي، ماڻهن کي يتيمن ۽ بيواهن جا حق کائيندي ڏٺو آهي، انساني حقن جا اهڙا مسئلا آهن جيڪي اندر ئي اندر تڪليف ڏيندا آهن.

0Shares

اپنا تبصرہ بھیجیں