چوريءَ جي ووٽ سان ٺهيل حڪومت ڏاڍ تي لهي آئي آهي، اها معاشي بحران جو ڪهڙو حل ڪڍندي: بلاول ڀٽو زرداري

0Shares

گلگت (م ڊ) پاڪستان پيپلز پارٽي جي چيئرمين بلاول ڀٽو زرداري چيو آهي ته ملڪ جي اقتدار تي موجود سياسي جماعت ۽ اڳوڻي حڪمران جماعت عوام کي رليف ڏيڻ بدران گار گند واري سياست ڪري رهيون آهن، پيپلز پارٽي ئي گلگت بلتستان کي جمهوري ۽ معاشي حق ڏيارڻ جي حوالي سان اثرائتا ۽ سنجيده قدم کڻندي. بلاول ڀٽو زرداري ضلعي تنظيمن سان ملاقات ڪندي چيو ته پيپلز پارٽي ۽ گلگت بلتستان جو مضبوط رشتو آهي جڏهن به پيپلز پارٽي وفاق ۾ حڪومت ۾ آئي آهي گلگت بلتستان لاءِ آئيني ۽ انتظامي سڌارا ڪيا آهن خاص ڪري اڳوڻي صدر آصف علي زرداري گلگت بلتستان کي انتظامي صوبو ٺاهيو هن مقامي هوٽل ۾ استور اسڪردو، شڪر، گهانچي ۽ کرمنگ جي ضلعي تنظيمن سان ملاقات ۾ چيو ته پيپلز پارٽي کي هاڻي موقعو مليو ته هتان جي نو جوانن جي جذبن کي اڳيان رکندي وڌيڪ بهتر قدم کنيا ويندا. پ پ جي چيئرمين چيو ته گلگت بلتستان جي سمورن ضلعن ۾ ويندس ۽ هتان جي مسئلن کي ايوان ۾ بهتر انداز ۾ اٿاري ڀرپور نموني سان آواز اٿاريندس. بلاول ڀٽو زرداري چيو ته گلگت بلتستان تمام خوبصورت آهي ۽ خطو پاڪستان لاءِ بيهڪ جي لحاظ کان خاص اهميت جوڳو آهي. هن چيو ته مون کي خبر آهي ته گلگت بلتستان جا گهڻا ماڻهو سنڌ ۾ رهن ٿا، سندن مسئلا حل ڪرڻ سميت تعليمي ادارن ۾ گلگت بلتستان جي تعليم هيٺ شاگردن جي ڪوٽا وڌائڻ جي حوالي سان سنڌ جي وڏي وزير کي هدايتون ڏيندس ۽ هو تمام جلد ان تي عمل ڪرائيندو پ پ جي چيئرمين چيو ته پ پ جي اڳوڻي حڪومت پاڪستان ۾ بينظير انڪم سپورٽ پروگرام جي نالي سان هڪ ادارو قائم ڪيو هو جنهن مان لکين غريب فائدو حاصل ڪري رهيا آهن ۽ هن مالياتي اداري مان به گلگت بلتستان جا ماڻهو فائدو حاصل ڪري رهيا آهن هن چيو ته هڪ جماعت پنهنجو مدو پورو ڪيو ۽ ٻي جماعت حڪومت ڪري رهي آهي ٻئي عوام کي رليف ڏيڻ يا اهڙا موقعا پيدا ڪرڻ بدران گار گند جي سياست ڪري رهيون آهن هن چيو ته پ پ ملڪ جي واحد جمهوري جماعت آهي جنهن جا ڪارڪن پاڪستان جي ڪنڊڪڙڇ ۾ موجود آهن هن چيو ته اسان جو مقصد ملڪ ۾ جمهوري قدرن جي ذريعي ادارا هلائڻ ۽ جمهوريت کي مضبوط ڪرڻ جي حوالي سان ڪم ڪرڻ آهي ته جيئن جمهوريت مضبوط ٿيڻ سان ادارا مضبوط ٿين. ان موقعي تي سيد نير بخاري، قمرالزمان ڪائره ۽ مصطفيٰ نواز کوکر سميت ٻيا اڳواڻ به موجود هئا.

0Shares

اپنا تبصرہ بھیجیں