جعلي بئنڪ اڪائونٽ ڪيس ۾ گرفتار انور مجيد، عبدالغني ۽ حسين لوائي کي اسلام آباد منتقل ڪرڻ جو حڪم

0Shares

لاهور (بيورو) سپريم ڪورٽ جعلي بئنڪ اڪائونٽس ڪيس ۾ گرفتار انور مجيد ۽ اي جي مجيد سميت حسين لوائي کي به اسلام آباد منتقل ڪرڻ جو حڪم ڏيئي ڇڏيو جڏهن ته چيف جسٽس ميان ثاقب نثار ريمارڪس ڏنا ته هي ماڻهو بااثر آهن ڪراچي ۾ هنن جو اقتدار آهي کين اسلام آباد منتقل ڪيو وڃي ته جيئن آزاد نموني جاچ ٿي سگهي سپريم ڪورٽ لاهور رجسٽري ۾ ميان ثاقب نثار جي سربراهي ۾ جعلي ڪيس اڪائونٽس ڪيس جي ٻڌڻي ٿي ٻڌڻي دوران انور مجيد جي وڪيل جوابدار کان ڪراچي ۾ ئي جاچ جي اپيل ڪئي جنهن کي چيف جسٽس رد ڪري ڇڏيو عدالت انور مجيد، اي جي مجيد ۽ حسين لوائي کي اسلام آباد منتقل ڪرڻ جو حڪم ڏنو چيف جسٽس چيو ته انور مجيد کي پمز اسپتال، اي جي مجيد ۽ حسين لوائي کي اڍيالا جيل منتقل ڪيو وڃي. مڪمل جاچ کان پوءِ ڏٺو ويندو ته کين واپس موڪليو وڃي انور مجيد جي وڪيل پاران ڪراچي ۾ جاچ جي اپيل تي جسٽس اعجازالحسن ريمارڪس ڏنا ته اوهان جي اسرار سان اسان وڌيڪ غير مطمئن ٿي رهيا آهيون ته ان جي پويان ڪو سبب آهي چيف جسٽس چيو ته جيڪڏهن انور مجيد عام جهاز تي نٿو اچي سگهي ته ايئر ايمولينس ۾ کڻي اچو ٻڌڻي دوران ڊي جي ايف آءِ اي بشير ميمڻ عدالت کي ٻڌايو ته انور مجيد انڪوائري ۾ تعاون نه پيو ڪري ان تي چيف جسٽس چيو ته هاني جي آءِ ٽي کي بااختيار بڻايو ويو آهي 10 ڏينهن ۾ تفصيلي رپورٽ پيش ڪريو جي آءِ ٽي ان لاءِ ٺاهي ته جيئن ڄاڻي سگهي ته ڪڪ بيڪس جا جي پئسي کي قانوني ڪيئن بڻايو ويو انور مجيد جي وڪيل عدالت کي ٻڌايو ته اومني گروپ 1.2 بلين سلڪ بئنڪ، 1.8 بلين سمٽ بئنڪ، 4.98 بلين نيشنل بئنڪ ۽ 4.6 بلين سنڌ بئنڪ کي ادا ڪرڻا آهن هي ادائيگيون پراپرٽي جي صورت ۾ ڪيون وينديون جسٽس ثاقب نثار وڪيل سان مڪالمو ڪيو ته مقرر تاريخ تائين ادائيگي نه ٿيون ته قانون تحت ڪارروائي ڪئي ويندي ان موقعي تي جي آءِ ٽي عدالت کي ٻڌايو ته اومني گروپ مارڪيٽ ويليو کان وڌيڪ پنهنجي پراپرٽي جو ريٽ ٻڌائي رهيو آهي جنهن تي چيف جسٽس چيو ته ملڪيتن جي قيمتن بابت سمورن بئنڪن جا سربراهه حلف نامه جمع ڪرائن ٻڌڻي دوران عائٻ ماڻهن جي وڪيل به عدالت آڏو ٻڌايو ته ڪيس جا ٻه شاهد غائب آهن انهن کي بازياب ڪرايو وڇي چيف جسٽس وڪيل کي چيو ته سنڌ جو وڏو وزير يا ان جي باس کي چئو اهي بازياب ڪرائين سمجهي رهيا آهيو نه مان ڇا چئي رهيو آهيان. واضح رهي ته ايف آءِ اي جعلي بئنڪ اڪائونٽس جي ذريعي مني لانڊرنگ جي جاچ ڪري رهي آهي ۽ ان ڏس ۾ اومني گروپ جي سربراهه انور مجيد ۽ خانگي بئنڪ جو سربراهه حسين لوائي به ايف آءِ اي جي حراست ۾ آهن جڏهن ته جاچ ۾ تيزي کان پوءِ هن وقت تائين ڪيترا ئي جعلي اڪائونٽس ظاهر ٿي چڪا آهن جن ۾ فالودي وارو ۽ رڪشي واري جي اڪائونٽس مان به ڪروڙين رپيا نڪتا آهن.

0Shares

اپنا تبصرہ بھیجیں