10 ملڪن مان 700 ارب رپين جي مني لانڊرنگ جا تفصيل حاصل ڪري ورتا آهن: وفاقي سرڪار

0Shares

اسلام آباد(بيورو) وزيراعظم عمران خان جي احتساب بابت خاص معاون مرزا شهزاد اڪبر جو چوڻ آهي ته 10 ملڪن مان 700 ارب روپين جي مني لانڊرنگ جا تفصيل حاصل ڪري ورتا آهن. اسلام آباد ۾ پريس ڪانفرنس جي دوران شهزاد اڪبر ٻڌايو ته مني لانڊرنگ جي جاچ دوران 5 هزار کان وڌيڪ جعلي اڪائونتس مليا جيڪي عام شهرين جي نالي آهن جن وسيليپاڪتان کان ٻاهر مني لانڊرنگ هڪ هزار ارب ڊالر کان مٿي ٿي وئي آهي. شهزاد اڪبر ٻڌايو ته تقريبن ڏهن ملڪن مان مني لانڊرنگ جي ڄاڻ ملي آهي جنهن موجب پاڪستان مان 5.3 ارب ڊالر ٻاهر موڪليا ويا ۽ اهي 700 ارب ٺهن ٿا جيڪو ڪل رقم جو تمام ننڍو حصو آهي. وزيراعظم جي خاص معاون چيو ته ملڪ مان لٽيل دولت کي لڪائڻ لاءِ اڳوڻن حڪمرانن اقاما ٺهرايا، اسان سمورن اقاما هولڊرز جا  تفصيل دبئي انتظاميه کان وٺي رهيا آهيون ۽ جن ماڻهن دبئي ۽ يورپي بينڪن ۾ پئسو لڪائي رکيو آهي اهي لڪي نه سگهندا. وزيراعظم جي خاص معاون جو چوڻ هو ته جعلي اڪائونٽس جو معاملو سپريم ڪورٽ ۾ آهي ۽ عدالتي حڪم آهي ته ان معاملي جي حوالي سان ميڊيا تي نه ڳالهايو وڃي، جوابدارن جي لسٽ سامهون اچي ويندي ۽ جيستائين ريفرنس فائل ڪرڻ جو فيصلو نه ٿيندو ان وقت تائين فهرست سامهون نه ٿا آڻي سگهون. شهزاد اڪبر چيو ته اڳوڻن حڪمرانن ملڪ جي لٽيل دولت لڪائڻ لاءِ اقاما ٺهرايا، اقاما ٻن طرح جا آهن هڪ اهو جيڪو هتان کان مزدور ۽ محنت ڪش وٺندا آهن ۽ ٻيون اقاما هولڊر اهو آهي جيڪو ڪو وزير رکندو آهي جن جا تفصيل حاصل ڪرڻ ڏکيو هوندو آهي. وزيراعظم جي خاص معاون جو چوڻ هو ته سڀ کان ڏکيو ڪم اقامي وسيلي اصل جوابدار جي سڃاڻپ آهي ڇو ته هو پنهنجي سڃاڻپ لڪائي وٺندا آهن، جيڪڏهن ڪنهن پنهنجي مالي ڊرائيور جي نالي تي ملڪيت ٺاهي رکي آهي جڏهن ان ماڻهو جي پويان وڃون ٿا ته خبر پوي ٿي ته اهو تمام وڏي شخصيت جو ڊرائيور آهي. شهزاد اڪبر چيو ته پاڪستان ٽئين نمبر تي آهي جنهن جي شهرين جون دبئي ۾ سڀ کان وڌيڪ ملڪيتون آهن، ماڻهو پنهنجن ڊرائيور، بورچي ۽ بين ماڻهن جي نالن سان ملڪيتون ٺاهي ويٺا آهن.

0Shares

اپنا تبصرہ بھیجیں