سپريم ڪورٽ شريف خاندان جي سزا معطلي خلاف نيب جي اپيل ٻڌڻ جوڳي قرار ڏئي ڇڏي

0Shares

اسلام آباد (بيورو) سپريم ڪورٽ اڳوڻي وزيراعظم نوازشريف، سندس ڌيءَ مريم نواز ۽ ڪئپٽن رٽائرڊ محمد صفدر جي سزا معطلي خلاف نيب جي اپيل ٻڌڻي جوڳي قرار ڏيندي ٽنهي کي ازاد ڪرڻ جو اسلام آباد هاءِ ڪورٽ جو فيصلو برقرار رکيو آهي سومر تي سپريم ڪورٽ ۾ چيف جسٽس ميان ثاقب نثار جي سربراهي ۾ ٽن ميمبرن واري بئنچ ڄاڻايل ڪيس جي اپيل تي ٻڌڻي ڪئي سپريم ڪورٽ گذريل ٻڌڻي تي ڌرين کي جواب جمع ڪرائڻ لاءِ چيو هو جنهن تي نيب ۽ خواجه حارث پاران جواب جمع ڪرايو ويو چيف جسٽس خواجه حارث کي چيو ته اوهان جو جواب گهڻو تفصيلي آهي مختصرڪريو پوءِ ڏسنداسين هن معاملي تي لارجر بئنچ قائم ڪجي يا نه هي اصول ڏسڻو آهي ته اپيلن جي ٻڌني کان اڳ سزا معطلي سان ڪيس جو ميرٽ متاثر ته ناهي ٿي چيف جسٽس خواجه حارث کي چيو ته اوهان جي ضمانت وارو فيصلو قائم رکون ٿا خواجه حارث اسفنديارولي ڪيس جو حوالو ڏنو جنهن تي چيف جسٽس چيو ته سزا معطلي جو معاملو ڏسڻو آهي ميرٽ آف دي ڪيس ته متاثر ناهي ٿيو خواجه حارث دليل ڏيندي چيو ته موت جي سزا جي ڪيسن ۾ به سزا معطل ٿي سگهي ٿي سزا معطلي تي سپريم ڪورٽ جا ڪيترائي فيصلا موجود آهن ذريعن موجب ٻڌڻي دوران چيف جسٽس خواجه حارث سان دلچسپ جملو ڳالهايو منهنجي ڊاڪٽر مون کي ٻڌايو ته خواجه حارث جڏهن اوهان جي آڏو پيش ٿئي ٿو ته اوهان جي دل جي ڌڙڪن تيز ٿي وڃي ٿي چيف جسٽس جي ريمارڪس تي عدالت جي ڪمري ۾ ٽهڪ ٻڌڻ ۾ آيا. چيف جسٽس نيب پراسيڪيوٽر کي چيو ته پنهنجا نقطا لکي ڏيو اوهان کي گذريل ٻڌني تي به چيو هو پنهنجا پوائنٽس لکت ۾ ڏيو چيف جسٽس ثاقب نثار ريمارڪس ڏنا ته منهنجي ذهن ۾ 3 بنيادي سوال آهن دهشتگردي جو ڪيس ڪرمنل ڪيس هوندو آهي موجوده ڪيس نيب قانون جو هو، اصل سوال ضمانت نه سزا معطلي جو آهي ڇا سزا معطلي ۾ ثبوتن جو جائزو وٺي سگهجي ٿو ڏسنداسين ته ڇا هاءِ ڪورٽ ثبوتن جو تفصيلي جائزو ورتو آهي چيف جسٽس ريمارڪس ڏنا ته سپريم ڪورٽ کي اعتماد ڪرڻو پوندو اسان کي بداعتمادي جي بيماري کان ڇوٽڪارو حاصل ڪرڻو پوندو جيڪڏهن فوجداري ڪيسن جي ماهر ججز کي شامل ڪريون ته اوهان کي اعتراض نه ٿيڻ گهرجي آصف سعيد کوسه جو فوجداري ڪيسن جو وڏو تجربو آهي جنهن تي خواجه حارث چيو ته هو صرف جسٽس آصف سعيد جي فيصلي جو حوالو ڏيئي رهيو آهي جنهن کان پوءِ عدالت نيب ۽ خواجه حارث جي جواب کان پوءِ اسلام آباد هاءِ ڪورٽ جو فيصلو برقرار رکيو ۽ نيب جي اپيل ٻڌڻي جوڳي قرار ڏيئي ڇڏي. چيف جسٽس چيو ته نيب جي درخواست منظور ڪري رهيا آهيون مناسب سمجهو ته لارجر بئنچ قائم ڪنداسين جنهن ۾ فوجداري قانون جي وڏن جج صاحبن کي شامل ٿيڻ گهرجي عدالت ڪيس جي ٻڌڻي 12 ڊسمبر تائين ملتوي ڪري ڇڏي.

0Shares

اپنا تبصرہ بھیجیں