ڊي جي نيب لاهور جي ميڊيا انٽرويوز خلاف قومي اسيمبلي ۾ اپوزيشن جو هنگامو، استحقاق واري رٿ پيش

اسلام آباد (بيورو) اپوزيشن ڊي جي نيب لاهور سليم شهزاد جي مختلف ٽي وي چينلز تي انٽرويو تي اعتراض ڪندي قومي اسيمبلي ۾ تحريڪ/ استحقاق جمع ڪرائي ڇڏي. گذريل ڏينهن ڊي جي نيب لاهور سليم شهزاد نجي پروگرام ۾ خاص انٽرويو ڏنو هو جنهن ۾ هن شريف خاندان جي ماڻهن خلاف ڪيسن تي ڳالهايو هو. اپوزيشن طرفان ڊي جي نيب جي انٽرويو تي قومي اسيمبلي سيڪريٽريٽ ۾ جمع ڪرايل تحريڪ استحقاق جي متن ۾ چيو ويو آهي ته ڊي جي نيب چيئرمين نيب جي منشا سان ٽي وي چينلز کي انٽرويو ڏنو هن اپوزيشن ميمبرن جو ميڊيا ٽرائل ڪيو. تحريڪ ۾ چيو ويو آهي ته ڊي جي نيب ڳجهي جاچ ۽ دستاويز ميڊيا تي ڏيکاريا، هن اسيمبلي ميمبرن جي ساک خراب ڪرڻ جي ڪوشش ڪئي. اپوزيشن طرفان ان معاملي تي تحريڪ استحقاق جي ڪارروائي عمل ۾ آڻڻ جو مطالبو ڪيو ويو آهي.  ٻئي طرف ان معاملي تي ايوان ۾ حڪومتي ۽ اپوزيشن ميمبرن وچ ۾ بحث به ٿيو. اڳوڻي وزيراعظم ۽ مسلم ليگ ن جي سينيئر اڳواڻ شاهد خاقان عباسي چيو ته نيب چيئرمين جي هدايت تي هڪ نيب آفيسر ميمبرن جو ٽرائل ڪري رهيو آهي، جيڪڏهن ايوان جي وقار جو تحفط نه ٿا ڪري سگهو ته ٻڌائي ڇڏيو، جيڪي ڳالهيون نيب آفيسر ڪري رهيو آهي اهي ئي وزير به ڪن ٿا، نيب آفيسر جي خلاف تحريڪ استحقاق ورتي وڃي. شاهد خاقان عباسي جي مطالبي تي اسپيڪر قومي اسيمبلي اسد قيصر چيو ته رولز موجب تحريڪ استحقاق جي فائل ايندي ته ان تي قانوني راءِ وٺندس. فواد چوڌري چيو ته جاچ هيٺ ڪيس تي تحريڪ استحقاق آڻڻ مناسب ناهي، تحريڪ استحقاق جو هٿيار استعمال ڪري ڪيس تي اثر انداز ٿيڻ درست ناهي اهڙي ڪيس تي تحريڪ آڻڻ قانون جي خلاف هوندو. جڏهن ته مسلم ليگ ن جي اڳواڻ راڻا تنوير جو چوڻ هو ته نيب آفيسر ميڊيا ٽرائل ڪيو اها حڪومت ۽ نيب جي ڳٺجوڙ آهي. ٻئي طرف قومي اسيمبلي کي ٻڌايو ويو آهي ته پانامه ليڪس ۾ 444 ڪيسن مان هن وقت تائين 294 ڪيسن ۾ نوٽيس جاري ڪيا ويا آهن 15 ڪيسن تي آڊٽ جي ڪارروائي مڪمل ڪري 10 ارب 90 ڪروڙ رپين جي ڊمانڊ ٻڌائي ويئي آهي، 6 ارب 20 ڪروڙ رپيا وصول ڪيا ويا سپريم ڪورٽ آف پاڪستان ۽ وزيراعظم پاڪستان جي ديامير ڀاشا ڊيم جي اڏاوت لاءِ قائم فنڊ ۾ هن وقت تائين 80 ڪروڙ 40 لک رپيا گڏ ٿي چڪا آهن تفصيل ملڻ تي ايوان کي آگاهه ڪيو ويندو جڏهن ته قومي اسيمبلي اسپيڪر اسد قيصر ايوان جي ڪارروائي سوالن جا جواب نه اچڻ ۽ ميمبرن جي احتجاج تي گهڙي پل لاءِ ملتوي ڪندي قومي اسيمبلي کي جواب نه موڪليندڙ وزارتن جي سيڪريٽريز کي جواب ڏيڻ لاءِ طلب ڪري ورتو آهي جمعي تي قومي اسيمبلي ۾ سوالن جي وقفي دوران ناڻي وزارت پاران لکت سوال جي جواب ۾ قومي اسيمبلي کي ٻڌايو ويو ته ايف بي آر جي رڪرڊ موجب 444 پاڪستانين جي پانامه ليڪس ۾ نشاندهي ڪئي ويئي آهي ايف