سينيٽ جي انساني حقن واري ڪميٽي چئني صوبن کان حراستي مرڪزن جا تفصيل طلب ڪري ورتا

0Shares

اسلام آباد (بيورو) انساني حقن واري وزارت وزيراعظم عمران خان کي گم ٿيل ماڻهن جي بازيابي لاءِ  قانونسازيءَ جي تجويز ڏني وئي آهي.  اسلام آباد ۾ سينيٽر مصطفيٰ نواز کوکر جي صدارت هيٺ سينيٽ جي انساني حقن بابت فنڪشنل ڪميٽي جو اجلاس ٿيو. اجلاس ۾ وفاقي وزير شيري مزاري ٻڌايو ته گم ٿيل ماڻهن جي ڪميشن جي رپورٽ تائين اسان جي پهچ ناهي، انساني حقن جي وزارت وزيراعظم کي گم ٿيل ماڻهن جي بازيابي لاءِ تجويزون موڪليون آهن، اسان حوالي سان ڊوميسٽڪ قانونسازي جي تجويز ڏني آهي.  شيرين مزاري چيو ته جمهوري ملڪ ۾ ماڻهن کي جبري گم يا کنڀي نه ٿو سگهجي، ملڪ ۾ پوليس، عدالتون ۽ فوجي عدالتون آهن جن کي اتي پيش ڪيو وڃي.  گهرو سيڪريٽري چيو ته ارڙهين ترميم کانپوءِ گم ٿيل ماڻهن جو معاملو صوبن وٽ وڃي چڪو آهي، وفاق ان سلسلي ۾ هاڻي قانونسازي ڪندو ته اهو رڳو رڳو اسلام آباد، ڪشمير ۽ گلگت بلتستان تي لاڳو نه ٿيندو.  گهرو سيڪريٽري ٻڌايو ته سيو دي چلڊرين سميت ڪجهه عالمي اين جي اوز پنهنجو مئنڊيٽ اورانگهي ۽ قائدن جي ابتڙ ڪم ڪري رهيون هيون جن تنظيمن کي روڪيو تن کي سڪيورٽي سببن جي ڪري روڪيو آهي.  شيرين مزاري چيو ته پاڪستان ۾ ڪنهن غير سرڪاري تنظيم  تي پابندي ناهي پر اين جي اوز کي اسان جي پاليسي موجب ڪم ڪرڻو پوندو. هن چيو ته گهڻي قدر اين جي اوز آمريڪا ۽ برطانيا جون آهن، اهي ادارا سڪيورٽي خدشن وارن علائقن ۾ وڃي نقشا ٺاهي رهيون آهن. سينيٽ ڪميٽي چئني صوبن کان تفصيل طلب ڪري ورتا مصطفيٰ نواز کوکر چيو ته گم ٿيل ماڻهن جو معاملو انتهائي حساس آهي، عالمي سطح تي ملڪ جي بدنامي ٿئي ٿي گهرو وزارت کان جسٽس ڪمال منصور ۽ جسٽس نور محمد جون رپورٽون گهريون هيون پر اڃا تائين ناهن مليون.

0Shares

اپنا تبصرہ بھیجیں