جي يو آءِ (س) جو سربراهه مولانا سميع الحق راولپنڊي ۾ قاتلاڻي حملي ۾ شهيد

0Shares

راولپنڊي (م ڊ) پاڪستان جو مذهبي اڳواڻ ۽ جمعيت علماءَ اسلام س جو سربراهه مولانا سميع الحق قاتلاڻي حملي ۾ شهيد، رپورٽ موجب راولپنڊي جي علائقي سفاري ولاز ۾ سندس گهر ۾ آرام ڪندي وقت مٿس ٻن اڻڄاتلن ڇرين جا وار ڪيا، جنهن ۾ مولانا سميع الحق زخمن جا سور نه سهندي دم ڌڻي حوالي ڪيو، خانداني ذريعن پاران موت جي تصديق، سندس پٽ مولانا حامد الحق موجب سندس والد مٿان ڇرين جا وار ڪيا ويا، جنهن ۾  هو شهيد ٿي ويو، ٻئي پاسي سندس اباڻي علائقي خيبرپختون خواهه جي علائقي اڪوڙا خٽڪ ۾ رهائش گاهه تي سوين عقيدت مند ۽ پوئلڳ گڏ ٿيڻ شروع ٿي ويا، جڏهن ته ذريعن موجب انتهائي هاءِ پروفائيل واقعي جي جاچ شروع ٿي وئي، قانون لاڳو ڪندڙ ادارن پاران مختلف رخن کان جاچ ڪرڻ ۾ رڌل، ڪا به حتمي ڳالهه ڪرڻ وقت اڳ قرار ڏني وئي، جاچ بعد ڪو موقف ڏنو ويندو. مولانا سميع الحق تي حملي جو اطلاع گهريلو ملازم پوليس کي ڏنو پوليس کي ڏنل بيان موجب ملازمن سامان وٺڻ لاءِ ٻاهر ويل هو واپس اچڻ تي سميع الحق جي سيني تي چاقو لڳل هو ذريعي موجب مولانا سميع الحق جو گارڊ گهر کان ٻاهر موجود هو پر هو واقعي کان لاعلم رهيو پوليس ملازمن کي حراست ۾ وٺي ڇڏيو ذريعن موجب مولانا سميع الحق گهر تي ڊرائيور ۽ هڪ ملازمن سان گڏ رهيو هو مولانا سميع الحق جي پٽ موجب والد گهر ۾ آرام ڪري رهيو هو ڊرائيور ۽ گن مين ٻاهر ويل هئا ۽ نامعلوم ماڻهن گهر اندر گهڙي قاچو سان حملو ڪري والد کي شهيد ڪيو. وزيراعظم عمران خان جو بيجنگ مان وفاقي وزير فيصل واوڊا سان ٽيليفونڪ رابطو، مولانا سميع الحق جي وارثن سان رابطي جي هدايت، وزيراعظم پاران ڏکويل خاندان سان همدرديون ونڊڻ ۽ کين مڪمل آٿت ڏيڻ جي پڻ هدايت ڪئي وئي، عمران خان جو چوڻ هو ته سميع الحق جي قتل ڪيس جي تحقيق بعد قاتلن جي گرفتاري لاءِ فوري طور ڪارروائي ڪئي وڃي، جڏهن ته هن قتل جي سخت لفظن ۾ مذمت ڪندي چيو ته انتهائي ڏکوئيندڙ واقعي جا ذميوار ڪنهن به صورت لڪي يا ڀڄي نه سگهندا، حڪومت پنهنجا سڀ وسيلا ڪتب آڻيندي. صدر عارف علوي به واقعي جي مذمت ڪئي آهي.  جماعت اسلامي جي امير مولانا سراج الحق جي يو آءِ (س) جي سربراهه جي قتل کي اسلامي دنيا لاءِ هڪ سانحو قرار ڏيندي چيو ته ڪجهه عالمي قوتون پاڪستان ۾ امن نه ٿيون چاهين، مولانا جو قتل افغانستان، پاڪستان وچ ۾ هلندڙ ڳالهين کي ثبوت تاز ڪرڻ جي سازش آهي، هن نجي ٽي وي چئنل سان ڳالهائيندي چيو ته مولانا سميع الحق هڪ اعليٰ شخصيت جو مالڪ هو، سندس ڪيل خدمتون تمام گهڻيون آهن، هن پاڪستان ۾ امن لاءِ هڪ اهم ڪردار ادا ڪيو، حڪومت کي گهرجي ته سندس قتل جي واقعي جي جاچ شفاف نموني ڪرائي قاتلن کي پڌرو ڪري. اڳوڻي وزيراعظم نواز شريف وفاقي وزير فواد چوڌري به واقعي جي مذمت ڪئي آهي. جي يو آءِ (س) جي سربراهه مولانا سميع الحق جي قتل واري واقعي تي ڏک جو اظهار ڪندي جي يو آءِ (ف) جي سربراهه مولانا فضل الرحمان جو چوڻ هو ته هو عالمن جو اثاثو هو، سندس موت هڪ وڏو صدمو آهي، مان سندس وڇوڙي تي انتهائي ڏکويل آهيان، سندس موت ملڪ لاءِ وڏو نقصان آهي، هن نجي ٽي وي چئنل سان ڳالهائيندي چيو ته سندس خاندان سان ڏک واري گهڙي ۾ يڪجهتي جو اظهار ڪيان ٿو، جڏهن ته هي واقعو مذمت جوڳو آهي. مولانا سميع الحق جامعه دارالامعلوم حقانيه جو سنڀاليندڙ ۽ جي يو آءِ (س) جو سربراهه هو هو 18 ڊسمبر 1937ع تي اڪوڙه خٽڪ ۾ پيدا ٿيو هو دفاع پاڪستان ڪائونسل جو چيئرمين پڻ رهيو سينيٽ جو ميمبر پڻ رهي چڪو آهي مولانا سميع الحق طالبان اڳواڻ ملا عمر جو استاد پڻ هو ايم ايم اي جو باني ميمبر ۽ حرعت المجاهدين جو به باني هو.

0Shares

اپنا تبصرہ بھیجیں