نبي پاڪ صه جي ناموس تي جان قربان آهي، ڪنهن جي خلاف ڪيس نٿو ٺهي ته ڪيئن سزا ڏيون: چيف جسٽس

اسلام آباد (بيورو) چيف جسٽس ثاقب نثار مسيحي عورت آسيه بي بي کي اڻپورن ثبوتن جي بنياد تي توهين رسالت جي ڪيس مان آزاد ڪرڻ جي فيصلي کان پوءِ ٿيندڙ تنقيد ۽ احتجاج تي ريمارڪس ڏيندي چيو ته ايمان ڪنهن جو گهٽنه آهي نبي پاڪ صلعم جي ناموس تي جان به قربان آهي پر ڪنهن جي خلاف ڪيس نٿو ٺهي ته ڪيئن سزا ڏيون فيصلو ڏيندڙ جج ڪنهن کان گهٽ عاشق رسول نه آهن خميس تي چيف جسٽس ثاقب نثار هي ريمارڪس سپريم ڪورٽ ۾ وقتي آءِ جي اسلام آباد جي مقرري جي حڪومتي درخواست تي ٻڌڻي دوران ڏنا چيف جسٽس چيو ته رسول پاڪ صلعم جي توهين ڪنهن لاءِ برداشت جوڳي نه آهي نبي پاڪ صلعم جي ناموس تي اسان پنهنجون جانيون قربان ڪرڻ لاءِ تيار آهيون پر ڪنهن جي خلاف ڪيس ٺهي ئي نٿو ته ان کي سزا ڪيئن ڏيون هن واضح ڪيو ته ايمان ڪنهن جو گهٽ نه آهي اسان صرف مسلمانن جا قاضي نه آهيون چيف جسٽس چيو ته بئنچ ۾ ويٺل ڪيترائي جج درود شريف پڙهندا رهندا آهن آسيه بي بي ڪيس جو ذڪر ڪندي چيف جسٽس چيو ته فيصلو ڪلمي سان شروع ڪيو جنهن ۾ دين جو سمورو ذڪر به ڪيو آهي هن چيو ته فيصلو اردو ۾ انهيءَ ڪري جاري ڪيو ته جيئن قوم پڙهي چيف جسٽس ثاقب نثار هڪ ڪيس دوران ريمارڪس ڏنا آهن ته جنهن بئنچ آسيه بي بي جو فيصلو ڏنو اها ڪنهن کان گهٽ عاشق رسول صلعم نه آهي ماڻهن کي اسان جو فيصلو پڙهڻ گهرجي ها چيف جسٽس چيو ته اسان الله جي ذات کي نبي صلعم جي ذات سان سڃاتو آهي ان کان سواءِ ايمان مڪمل نه آهي فيصلي کان پوءِ مختلف حلقن پاران احتجاج سبب چيف جسٽس چيو ته رياست امن امان لاءِ پنهنجي ذميواري پوري ڪري جهڙوڪ رات وزرياعظم به چيو ته چيف جسٽس ريمارڪس ڏنا ته نبي اڪرم صلعم تي ايمان کان سواءِ دين مڪمل نٿو ٿئي ڇا هاڻي هر شخص کي پنهنجي ايمان جو ثبوت ڏيڻو پوندو ذريعن موجب هن چيو ته عدالت پنهنجو فيصلو تبديل نٿي ڪري سگهي.