نواز شريف کي نه منهنجي ضرورت آهي نه ئي مون کي ان جي، منهنجي گرفتاري ڪا نئين ڳالهه نه هوندي، حڪومت کان اين آر او ڇو گهران: آصف زرداري

لاهور (بيورو) پ پ جي شريڪ چيئرمين آصف علي زرداري چيو آهي ته مون تي هر پاسي کان حملو ٿي رهيو آهي، سڄو جهيڙو 18هين ترميم جو آهي، ٽنڊي الهيار ۾ صنعت سازي لاءِ دوست سان رابطو ڪيم ته ان کي به کنڀيو ويو. لاهور ۾ صحافين سان ڳالهائيندي اڳوڻي صدر آصف زرداري چيو ته ڪوڙن اڪائونٽن جي الزام تي منهنجي دوستن ۾ هٿ وڌا ويا آهن، ائين لڳي رهيو آهي ته 18هين ترميم جو جهيڙو آهي پر آبادي جي لحاظ سان ان جو سڀ کان گهڻو فائدو پنجاب کي پهتو آهي، تنهن ڪري ن ليگ اڳواڻ شهباز شريف لاهور ۾ خرچ ڪيو. هن واضح ڪيو ته اهي ماڻهو منهنجي دوستن کي پڪڙي رهيا آهن، انهن کي حقيقي مسئلو منهنجي دوستن سان آهي. آصف زرداري نالو کڻڻ بنا چيو ته اسان به ايترا ئي محب وطن آهيون جيترا توهان، شايد توهان کان به وڌيڪ محب وطن آهيون،  هن چيو ته حڪومت ڪيرائڻ ۾ ڪنهن به قسم جي دلچسپي نٿا رکون، اسان جي هر فيصلي جي پردي پٺيان سوچ ۽ نظريو هو، توهان تسليم نه ڪيو پر بلوچستان ۾ ڇڪتاڻ موجود آهي. هن اشارو ڏنو ته قانون سازي اسان جو ڪم آهي، تنهن ڪري سڀ معاملا اسان کي اُڪلائڻ ڏيو، پارليامينٽ ۾ وڙهي سِڙهي ڪري وينداسين. اين آر او بابت سوال تي آصف زرداري چيو ته مان اڳوڻي صدر پرويز مشرف کان اين آر او نه گهريو ۽ عمران خان سان پارليامينٽ کانسواءِ ڪٿي ملاقات ناهي ٿي. اڳوڻي صدر چيو ته جيڪڏهن اسان خيبرپختونخواهه ۾ پشتون کي سڃاڻپ ڏني آهي ته اها ان جي ضرورت هئي. سندس موجب سعودي عرب سدائين اسان جي مدد ڪئي آهي ۽ موٽ ۾ پاڪستان به هر ممڪن سهڪار ڪيو پر حڪومت کي بيل آئوٽ پيڪيج ملڻ تي خوش آهيان، رياست کي ٻاهران نه اندران گهڻا خطرا آهن، 5 سال صدر رهيس پر ڪرپشن جو ڪو داغ نه لڳو. آصف زرداري چيو ته ٽريڊنگ اڪائونٽن کي جعلي چيو ويو اليڪشن کان اڳ مون تي حملا شروع ٿيا ۽ اڃا جاري آهن هن چيو ته جيڪڏهن مون کي گرفتار ڪيو ويو ته اها ڪا نئين ڳالهه ناهي خواهش آهي ته حڪومت مدو پورو ڪري حڪومت کي ڪيرائڻ مسئلو ناهي پر ڪيترائن نٿا چاهيون حڪمران هوش کان ڪم وٺن پاڻ ته بني گالا کان ٻاهر نٿا نڪرن هن چيو ته نواز شريف کي منهنجي ضرورت ناهي ۽ نه ئي مون کي ان جي آهي مون ته مشرف کان به اين آر او نه گهريو، مون ائين ئي ڪيس کٽيا حڪومت کي اصل مسئلو مون سان آهي ۽ گرفتار منهنجي دوستن کي ڪيو پيو وڃي مان حڪومت کان اين آر او ڇو گهران مشرف جي دور ۾ به جيل ڪاٽيو ڏسون ته فصل الرحمان اي پي سي گهرائي ٿو يا نه هن چيو ته حڪمرانن وٽ مينڊٽ ناهي نه سوچ ۽ نه ئي انهن کي سيکاريو ويو آصف زرداري چيو ته جن دوستن سنڌ ۾ سيڙپڪاري ۽ انڊسٽريلائيزيشن ۾ مدد ڪئي انهن کي گرفتار ڪيو ويو اسان کي قانون جي عزت ڪرائڻي آهي اسان عدليه جي خلاف ناهيون اسان کي اين آر او جي ضرورت نه هئي، پرويز مشرف کي ضرورت هئي جيڪي ماڻهو آمريت جي دور جي اداڪاري ڪري رهيا اهن اهي تمام خراب اداڪار آهن نواز شريف ۽ منهنجي الڳ  الڳ پارٽيون آهن هن چيو ته جهڙي ڪندا نهڙي ڀريندا حڪومت کي ڪيرائي ان جون ناڪاميون پنهنجي ڳچي ۾ وجهڻ نٿا چاهيون اسدان چاهيون ٿا ته حڪومت پاڻ ٿڪجي پوي.