سپريم ڪورٽ مني لانڊرنگ ڪيس ۾ وڏي وزير کي سڏائي ورتو، سنڌ جي سمورن کاتن کي جي آءِ ٽي سان سهڪار جو حڪم

ڪراچي (چيف رپورٽر) چيف جسٽس ميان ثاقب نثار سنڌ مني لانڊرنگ ڪيس ۾ وڏي وزير مرادعلي شاهه کي طلب ڪيو آهي مراد علي شاهه کي تعاون نه ڪرڻ جي شڪايت تي چيمبر ۾ ملاقات لاءِ گهرايو آهي کيس سمن جاري ناهي ڪئي ٻڌڻي دوران ڊي جي ايف آءِ اي بشير ميمڻ ۽ جي آءِ ٽي آفيسر اڳڀرائي رپورٽ سپريم ڪورٽ ۾ جمع ڪرائي ڇڏي جسٽس ثاقب نثار تعاون نه ڪرڻ تي ريمارڪس ڏنا ته ايئن ڪم نه هلندو مان به هتي اچي ويهي رهندس ۽ ڪنهن کي به نه ڇڏيندس سپريم ڪورٽ ڪراچي رجسٽري ۾ چيف جسٽس جي سربراهي ۾ جسٽس مشير عالم ۽ جسٽس منيب اختر تي ٻڌل بئنچ سنڌ ميگا مني لانڊرنگ اسڪينڊل جي ٻڌڻي ڪئي ٻڌڻي دوران جي آءِ ٽي جو سربراهه احسان صادق ٻين ميمبرن سان گڏ سپريم ڪورٽ ۾ پيش ٿيو چيف جسٽس پڇاڻو ڪيو ته مختلف کاتن کان تعاون نه ڪرڻ جي شڪايت هئي ٻڌايو ڇا ٿيو جنهن تي جي آءِ ٽي سربراهه ٻڌايو ته اسانکي پريشاني ٿي آهي عدالت جي مداخلت سان دستاويز مليا آهن چيف جسٽس چيو ته ايئن ڪم نه هلندو مان به هتي اچي ويهي رهندس پوءِ ڪنهن کي نه ڇڏيندس جنهن کان پوءِ چيف جسٽس مراعلي شاهه کي چيمبر ۾ گهرائي ورتو چيف جسٽس ايدووڪيٽ جنرل سنڌ سان ڳالهائڻ دوران ريمارڪس ڏنا ته مني لانڊرنگ اهم معاملو آهي مان وڏي وزير سان ملڻ چاهيان ٿو ان کي چئو ته اڄ ئي اچي ملي جي آءِ ٽي سربراهه عدالت ۾ اڳڀرائي رپورٽ پيش ڪئي ويئي جنهن ۾ ٻڌايو ويو ته اومني گروپ تي ڪل 73 ارب رپين جو قرض آهي جن مان نيشنل بئنڪ جا 23 ارب رپيا جڏهن ته سنڌ بئنڪ سمٽ بئنڪ جا ڪل 50 ارب رپيا آهن چيف سيڪريٽري عدالت کي ٻڌايو ته اسان سمورو رڪارڊڏنو آهي ان تي چيف جسٽس جي آءِ ٽي جي سربراهه کان پڇا ڪئي ته سمورا دستاويز ملي ويا آهن احسان صادق ٻڌايو ته سمورا دستاويز ملي ويا آهن پر اسڪروٽني ڪرڻي آهي اسان عدالت جا ٿورائتا آهيون ان موقعي تي کاتي جي عدم سهڪار ۽ رڪارڊ وقت تي نه ڏيڻ بابت اڳوڻو آرڊر پڙهي ٻڌايو ويو چيف جسٽس ريمارڪس ڏنا ته اومني گروپ تي 73 بلين جون رهتون آهن هي 73 بلين بئنڪ کائي ويئي يا اومني گروپ، سنڌ بئنڪ انهيءَ ڪري ته انضمام ڪري رهيو هو ته ان ڳالهه جي جيئن خبر ئي نه پوي هن وڌيڪ چيو ته جيستائين هڪ هڪ رڪارڊ جي آءِ ٽي کي نٿو ملي اسان ڪراچي ۾ ئي ويٺا آهيون جسٽس ثاقب نثار چيو ته سنڌ جي وڏي وزير کي چئو ته مون سان چيمبر ۾ اچي ملي ۽ مان واضح ڪري ڇڏيان ته سنڌ جي وڏي وزير کي سمن جاري ناهي کيس عدم تعاون جي شڪايت تي چيمبر ۾ ملاقات لاءِ گهرايو آهي هن ريمارڪس ڏنا ته گودام ۽ بئنڪ جو رڪارڊ به چيڪ ڪيو وڃي فائنل رپورٽ جو جائزو وٺڻ کان پوءِ اومني گروپ کان جواب وٺنداسين جسٽس ميان ثاقب نثار جو چيو ته جي آءِ ٽي پاران دستاويز نه ڏيڻ جي شڪايت ڪئي ويئي هئي هاڻي سمورن سيڪريٽريز مڪمل تعاون جي خاطري ڪرائي آهي جي اءِ ٽي سان هي تعاون جاري رکيو وڃي جيڪو عدالتي حڪمن تي عمل نه ڪندو ان جي خلاف سخت ڪارروائي ٿيندي عدالت ٻڌڻي دوران جي آءِ ٽي کي حڪم ڏنو ته 70 بلين رپين جي لون جي مڪمل جاچ ڪئي وڃي ۽ جوابدارن جي خلاف ڪرمنل ايڪشن ورتو وڃي ٻڌڻي دوران ايڊووڪيٽ جنرل سنڌ عدالت کي ٻڌايو ته ٽائيم ٽو ٽائيم جيڪو رڪارڊ گهرندا اسان ڏيئي ڇڏينداسين جنهن تي چيف جسٽس چيو ته  جيڪو نه گهرنداسين اسان ڏيئي ڇڏينداسين اسلام آباد کان ڪراچي اچڻ ۾ ڏيڍ ڪلاڪ لڳي ٿو تعاون رهيو ته مهرباني ٿيندي سپريم ڪورٽ سنڌ جي سمورن کاتن کي جي آءِ ٽي سان مڪمل سهڪار جو حڪم ڏيندي ريمارڪس ڏنا ته سمورا سيڪريٽريز پنهنجي حلف نامي سان گڏ بيان ۽ دستاويز ڏين چيف جسٽس جي آءِ ٽي سربراهه کي مخاطب ٿيندي چيو ته اوهان کي مڪمل آزادي آهي جتي وڃڻ چاهيو ٿا وڃو ۽ ڪم ڪريو.