وفاقي سرڪار عوام تي بجلي بم ڪيرائي ڇڏيو، قيمتن ۾ 15 سيڪڙو تائين واڌ جي منظوري

اسلام آباد (بيورو) اقتصادي رابطا ڪميٽي بجلي جي قيمتن ۾ واڌ جي منظوري ڏئي ڇڏي.اقتصادي رابطا ڪميٽي ان کان اڳ ٻه ڀيرا بجلي جي اگهن بابت فيصلو ملتوي ڪري چڪي آهي. ناڻي واري وزير اسد عمر جي صدارت هيٺ اقتصادي رابطا ڪميٽي جو اجلاس ٿيو جنهن ۾ بجلي جي قيمتن ۾ واڌ جي منظوري ڏني وئي. ذريعن موجب ناڻي واري وزير اسد عمر چيو ته بجلي جي قيمتن ۾ واڌ اميد کان گهت ڪئي وئي آهي، قرضن جي وصولي ۽ گردشي قرضن کي گهٽ ڪرڻ جي لاءِ قدم کنيا آهن.اسد عمر بجلي جي قيمتن ۾ واڌ بابت تفصيل ڏيڻ کان پاسو ڪيو. ٻئي طرف ذريعن جو چوڻ آهي ته اقتصادي رابطا ڪميٽي 300 روپيا يونٽ استعمال ڪندڙ گهريلو واهپيدارن جي لاءِ بجلي جي قيمتن ۾ ڪابه واڌ نه ڪئي جيتوڻيڪ 300 يونٽن کان وڌيڪ بجلي استعمال ڪندڙن جي لاءِ بجلي 10 سيڪڙو مهانگي ڪئي وئي آهي. ذريعن موجب حڪومت زرعي شعبي کي وڏو رليف ڏنو آهي ۽ بجلي جا اگهه 10 روپيا 50 پئسا في يونٽ کان گهٽ ڪري 5 روپيا في يونٽ مقرر ڪيا ويا آهن. 700 يونٽ استعمال ڪندڙن لاءِ بجلي 15 سيڪڙو مهانگائي ڪئي وئي بجلي جي اگهن ۾ واڌ سان مهانگائي جو طوفان اچڻ جو خدشو آهي ٻئي طرف نيپرا بجلي جي اگهن ۾ 20 پئسا في يونٽ واڌ جي منظوري ڏيئي ڇڏي، واڌ سيپٽمبر جي فيول ايڊجسٽمينت جي مد ۾ ڪئي ويئي آهي اربع تي نيپرا بجلي جي اگهه ۾ 20 پئسا في يونٽ واڌ جي منظوري ڏيئي ڇڏي واڌ سان صارفين تي 2 ارب 40 ڪروڙ رپين جو بار پوندو. سي پي پي اي مطابق سيپٽمبر ۾ ريفرنس فيول لاڳت پنج رپيا 12 پئسا في يونٽ هئي ورهائيندڙ ڪمپنين کي فراهم ڪئي ويندڙ بجلي جو اگهه 5 رپيا 56 پئسا في يونٽ هو نيپرا عملدارن مطابق سيپٽمبر ۾ فرنس آئل جو گهڻو استعمال ڪيو ويو عملدارن مطابق جيڪڏهن ايل اين جي ۽ ڪوئلي کي استعمال ڪيو وڃي ها ته صارفين کي رليف ملي ها نيپرا سي پي پي اي جي پنج رپين جي ڪليمز کي هلندڙ مهيني جي فيول ايڊجسٽمينٽ ۾ شامل ناهي ڪيو نيپرا چيئرمين مطابق ڊالر جي ڀيٽ ۾ رپئي جي ملهه ۾ لاٿ سبب 8 ارب رپين جو اثر پيو جيڪڏهن ڊالر جي قيمت نه وڌي ته صارفين کي 30 پئسا في يونٽ تي رليف ملي ها. نيپرا عملدارن مطابق نيپرا ڊالر جي قيمت 124 رپين تي تعين ڪيو نيپرا عملدارن مطابق فرنس آئل تي پيداواري لاڳت 15 رپيا 50 في يونٽ رهي عملدارن مطابق جيڪڏهن ايل اين جي ۽ ڪوئلي استعمال ڪيو وڃي ها ته صارفين کي وڌيڪ رليف ملي ها.