آشيانه هائوسنگ اسڪينڊل: پنجاب جو اڳوڻو وڏو وزير شهباز شريف احتساب عدالت ۾ پيش، 10 ڏينهن جي رمانڊ تي نيب حوالي

لاهور (بيورو) احتساب عدالت شهباز شريف کي 10 ڏينهن جي جسماني رمانڊ تي نيب حوالي ڪري ڇڏيو آهي. شيانا هائوسنگ ڪيس ۾ گرفتار پنجاب جي اڳوڻي وڏي وزير، مسلم ليگ ن جي صدر ۽ قومي اسمبلي ۾ مخالف ڌر جي اڳواڻ شهباز شريف کي احتساب عدالت ۾ پيش ڪيو ويو، جتي قومي احتساب بيورو (نيب ) طرفان سندس جسماني ريمانڊ جي درخواست ڪئي وئي. (نيب ) لاهور گذريل ڏينهن پنجابجي اڳوڻي وڏي وزير شهباز شريف کي صاف پاني ڪيس ۾ طلب ڪيو هو، پر سندس پيشي تي کيس آشيانا اقبال هائوسنگ ڪيس ۾ ڪرپشن جي الزام ۾ گرفتار ڪيو ويو هو. ٻڌڻي جي شروعاتي تي عدالت جي ڪمري ۾ پيهه هئڻ تي احتساب عدالت جي جج نجم الحسن شهباز شريف ۽ سندن وڪيلن کي پنهنجي چيمبر ۾ سڏائي ورتو ۽ اتي ٻڌڻي شروع ڪئي. ان موقعي تي نيب پراسيڪيوٽر موقف اختيار ڪندي عدالت کي ٻڌايو ته شهباز شريف اختيارين اورانگهيا ۽ آشيانا اقبال هائوسنگ اسڪيم جو ڪانٽريڪٽ لطيف اينڊ سنز کان رد ڪري ڪاسا ڊويلپرز کي ڏنو، ۽ سندس اهڙي غيرقانونني قدم سان قومي ناڻي کي ڪروڙين رپين جو نقصان ٿيو.  شهباز شريف جي وڪيل موقف اختيار ڪيو ته سندس اصيل تي مڙهيل سمورا الزام ڪوڙا ۽ بي بنياد آهن. پنجاب جي اڳوڻي وڏي وزير شهباز شريف احتساب عدالت ۾ ڏنل بيان ۾ پنهنجي خلاف ڪيسن کي سياسي ۽ انتقامي ڪارروائي قرار ڏنو آهي. عدالت ۾ ٻڌڻي دوران شهباز شريف پنهنجي صفائي پيش ڪندي چيو ته مان اورنج لائن رٿا ۾ 75 ارب رپين جي بچت ڪئي ۽ ذاتي مداخلت سان ڪيترين ئي رٿائن تي اربين رپيه بچايا آهن. پنجاب جي اڳوڻي وڏي وزير شهباز شريف پنهنجي مٿان ڪيسن کي سياسي ۽ انتقامي ڪارروائي قرار ڏيندي چيو ته سياسي ڪيس ۾ انتقام جو نشانو بڻايو پيو وڃي، اهو سياسي ڪيس آهي، جنهن کي سياسي نموني حل ڪرڻ گهرجي.  هن چيو ته پنهنجي ننڊ ۽ صحت خراب ڪري چڪو آهيان، رات ڏينهن عوام جي خدمت ڪئي، اهڙي قسم جا الزام ماضي ۾ به لڳندا رهيا آهن، هاڻي ٻيهر اهڙا الزام هنيا ويا آهن، هڪ ٽڪي جي ڪرپشن ثابت ٿي ته سزا لاءِ تيار آهيان. احتساب عدالت نيب جي اپيل تي شهباز شريف کي 10 ڏينهن جي رمانڊ تي نيب حوالي ڪري ڇڏيو.