شهباز شريف جي پهرين گرفتاري آهي، وڌيڪ گرفتاريون ٿيڻ واريون آهن: فواد چوڌري

اسلام آباد (بيورو) سڌسماءِ جي وفاقي وزير چوڌري فواد حسين مخالف ڌر اڳواڻ ۽ اڳوڻي پنجاب جي وڏي وزير محمد شهبازشريف جي آشيانه هائوسنگ اسڪيم ۾ گرفتاري کي سٺو قدم قرار ڏيندي چيوت ه پاڪستان کي جن ماڻهن لٽيو آهي انهن جو احتساب ٿيڻ گهرجي نيب کي هن معاملي ۾ جيڪا به مدد گهرجي حڪومت ڏيڻ لاءِ تيار آهي هي پهرين گرفتاري آهي اڃا وڌيڪ گرفتاريون ٿيڻ واريون آهن احتساب جو عمل اڃا وڌيڪ اڳتي وڌندو ڪرپشن جي خلاف حڪومت جي زيرو ٽالرس پاليسي آهي جمعي تي ميڊيا سان ڳالهايئندي چوڌري فواد چيو ته ڪجهه وقت اڳ قومي احتساب بيورو اعلان ڪيو ته ميان شهبازشريف کي آشيانه ڪيس ۾ گرفتار ڪري ورتوآهي هي ڪيس مسلم ليگ (ن) جي پنهنجي حڪومت ۾ نيب قائم ڪيا هئا ۽ هي ڪيس هلندا رهيا وچ ۾نگران حڪومت آئي ان دور ۾ به هي ڪيس هلندا رهيا هن چيو ته نيب جي قانون مطابق پهريان انڪوائري ٿيندي آهي پوءِ انويسٽيگيشن ٿيندي آهي پوءِ ريفرنس فائل ڪيو وڃي ٿو هاڻي نيب هنن ڪيسن کي انويسگيشن ۾ تبديل ڪري ڏسي ورتو آهي انهن ڪيسن ۾ وڏي ڪرپشن ٿي آهي هن چيو ته آشيانه هائوسنگ اسڪيم ۽ ٻين اسڪيمن ۾ 56 ارب رپين جي ڪرپشن جا الزام آهن هن چيو ته حڪومت هن سموري معاملي ۾ مڪمل غيرجانبدار آهي پر اسان پاڪستانجي نمائندگي ڪيون ٿا عوام جي خواهش آهي ته پاڪستان کي جن ماڻهن لٽيو آهي انهن جو احتساب ٿيڻ گهرجي ۽ ان احتساب طرف هي هڪ اهم قدم آهي هن چيو ته نيب جي هن قدم کي اسان بهتر قدم سمجهون ٿا هاڻي ان معاملي کي اڳيان وڌڻ گهرجي.  سڌ سماءَ واري وفاقي وزير فواد چوڌري چيو آهي ته مشاهد الله جي ڀائرن کي قائدن ۽ ضابطن خلاف ترقي جي جاچ ڪري رهيا آهيون، کين ڌاڙيل چئون ته ناراض ٿي وڃن ٿا، تنهن ڪري راهزن چئون ٿا جيڪو فارسي جو لفظ آهي. اسلام آباد ۾ پريس ڪانفرنس ڪندي فواد چوڌري چيو ته مشاهد الله جي ڀائرن کي قائدن ۽ ضابطن خلاف ترقي جي جاچ ڪري رهيا آهيون، مشاهد الله کي علاج لاءِ قومي ناڻي مان پئسن جي واپسي جو نوٽيس جاري ڪري رهيا آهيون. هن چيو ته دنيا ۾ 875 پاڪستانين جي ملڪيت اهڙي آهي جنهن جو ڪو به دعويدار ناهي، جڏهن ته 895 پراپرٽي مالڪن جي نالي جي لسٽ ٺاهي آهي، سي ڊي اي هاڻي وزيراعظم کي نوٽيس جاري ڪري سگهي ٿي اهو نئون پاڪستان آهي. سندس چوڻ هو ته وزيراعظم پنهنجي خلاف نوٽيس ۾ مداخلت نه ٿو ڪري ته ڪنهن ٻي جي نوٽيس ۾ ڇو ڪندو، هاڻي شهباز شريف کي به نوٽيس جاري ڪيو پيو وڃي. فواد چوڌري چيو ته وزيراعظم جي هدايت آهي ته جهوپڙي وارن کي تحفظ فراهم ڪيو وڃي.