پاڪ-سعودي وچ ۾ 10 ارب ڊالرن جو اقتصادي پيڪيج طئي ٿي ويو، گوادر ۾ آئل سٽي ٺاهڻ تي اتفاق

0Shares

رياض / اسلام آباد( بيورو چيف + م ڊ ) پاڪستان ۽ سعودي عرب ۾ 10 ارب ڊالر اقتصادي پيئڪج طئي ٿي ويو آهي، سي پيڪ جي منصوبي تحت گوادر ۾ آئل سٽي ٺاهيو ويندو، وزيراعظم عمران خان سعودي قيادت کي تڪرار ختم ڪرڻ لاءِ ٽياڪڙي ڪرڻ جي آڇ ڪري ڇڏي آهي، ذرريعن موجب عمران خان جو سعودي عرب وارو دورو ڪامياب رهيو آهي، ٻنهي ملڪن وچ ۾ 10 ارب ڊالرن جو اقتصادي پئيڪج جو معاهدو طئي ٿي ويو آهي، ذريعن موجب سعودي عرب پاڪستان ۾ آئل سٽي به ٺاهيندو، واضح رهي ته گوادر آئل سٽي جو منصوبو پهريان چين وٽ هو، ٻڌايو پيو وڃي ته پاڪستان چين کي سعودي عرب سان سي پيڪ معاهدو ڪرڻ بابت اعتماد ۾ ورتو آهي، چين جي رصامندي کان پوءِ سعودي عرب سان معاهدو ڪيو ويو آهي، ذريعن موجب متحده عرب امارات حڪومت سان به اربين روپين جا معاهده ڪيا ويندا، وزيراعظم عمران خان سعودي عرب ۽ ايران تڪرار ختم ڪرڻ بابت ڳالهيون ڪيون، ان ٻنهي اسلامي ملڪن ايران ۽ سعودي عرب ۾ تڪرار ختم ڪرڻ جي خواهش ظاهر ڪئي، انهن ۾ تڪرار ختم ڪرڻ لاءِ ٽياڪڙي ڪرڻ جي آڇ ڪئي آهي . ٻئي طرف وزيراعظم عمران خان چيو آهي ته ڀارت ۽ افغانستان سان پرامن لاڳاپا چاهيون ٿا، هن اهڙو اظهار سعودي ٽي وي کي ڏنل انٽرويو دوران ڪيو. وزيراعظم چيو ته اسان عمارتن نه پر عوام تي پئسو لڳائڻ چاهيون ٿا، بيروني ادارن کان اڳ پنهنجن اندرين ادارن کي ٺيڪ ڪرڻ چاهيون ٿا، هن چيو ته پاڪستان گذريل 15 سالن کان دهشتگردي کان متاثر رهيو آهي، اسلامي دنيا جو اتحاد وقت جي اهم ضرورت آهي. هن چيو ته پاڪستان کانسواءِ ٻيو ڪوبه ملڪ دهشتگردي جي خاتمي لاءِ بهتر مشورو نٿو ڏئي سگهي، سعودي عرب اسان جي ڀائر ملڪ آهي ۽ هر ڏکئي وقت ۾ اسان جي مدد ڪئي آهي. هن چيو ته اولهه جي ملڪن جي ترقي جو راز ان جا مضبوط ادارا آهن، ملڪ فرد واحد نه پر ادارا مضبوط ڪرڻ سان ترقي ڪندو آهي، اسان پاڪستان کي فلاحي رياست بڻائڻ جا خواهشمند آهيون، پاڙيسري ملڪن سان بهتر لاڳاپا چاهيون ٿا، ڪرپشن سبب ملڪن عريب ٿي ويندا آهن، افغانستان ۾ امن جي قيام لاءِ پاڪستان جو علائقائي ڪردار جلد شروع ٿي ويندو. اسان ڀرپور سهڪار ڪنداسين. هن چيو ته پاڪستان درست رخ ۾ نه وڃي رهيو هو، اسان سعودي عرب سان ڪلهو ڪلهي ۾ ملائي بيٺل آهيون. وزيراعظم عمران خان چيو ته پاڪستان مسلم دنيا ۾ تڪرار ختم ڪرڻ ۽ مفاهمتي ڪردار ادا ڪرڻ چاهي ٿو، يمن تڪرار ختم ڪرائڻ لاءِ هاڪاري ڪردار ادا ڪرڻ لاءِ تيار آهي. وزيراعظم عمران خان العربيا ٽي وي کي انٽرويو ڏيندي چيو ته سعودي عرب ضرورت پوڻ تي هميشه پاڪستان جي مدد ڪئي آهي، پاڪستان ۾ به جيڪو به اقتدار ۾ ايندو سعودي عرب جو سڀ کان پهريون دورو ڪندو. هن چيو ته مسلم دنيا ۾ ڪو به تڪرار نه هئڻ گهرجي ڇو ته مسلم دنيا ۾ تڪرار پهريون ئي اسان سڀني کي ڪمزور ڪري رهيا آهن، پاڪستان مسلم دنيا ۾ تڪرار ختم ڪرڻ ۽ مفاهمت ۾ ڪردار ادا ڪرڻ چاهيندو، يمن جو تڪرا ختم ڪرڻ لاءِ هاڪاري ڪردار ادا ڪرڻ لاءِ تيار آهيون. سندس چوڻ هو ته وچ اوڀر ۾ مفاهمت جو ڪردار ادا ڪرڻ چاهيون ٿا، حوثين جي حملن جي مقابلي لاءِ سعودي عرب جو ساٿ ڏينداسين. وزيراعظم عمران خان چيو ته افغانستان ۽ ٻين ملڪن جي تڪرارن ۾ پاڪستان پهريون ئي گهڻو متاثر ٿيو آهي. هن چيو ته پاڪستاني عوام سعودي عرب جو گهڻو احترام ڪري ٿو، پاڪستان هميشه سعودي عرب سان گڏ بيٺو آهي، سندس حمايت جاري رکندو. وزيراعظم عمران خان چيو ته هميشه سعودي عرب سان گڏ هونداسين ڇو ته هن هر ڏکي وقت ۾ پاڪستان جو ساٿ ڏنو، افغانستان ۽ ڀارت سان گڏيل اعتماد تي ٻڌل سٺا لاڳاپا چاهيون ٿا. وزيراعظم چيو ته چين وانگر پٺٽي پيل طبقي کي اڳتي آڻبو، انفراسٽرڪچر تي نه پر عوام تي رقم خرچ ٿيندي. وزيراعظم چيو ته صحت، تعليم، صاف پاڻي ۽ انصاف سندس پهرين ترجيحن ۾ شامل آهن. وزيراعظم عمران خان جو چوڻ هو ته رياستي ادارن کي مضبوط بڻايو ويندو ڪو به شخص ادارن کان مٿانهون نه هوندو.

0Shares

اپنا تبصرہ بھیجیں