نازيه جي اڳوڻِ مڙس کي سندس حياتي تي فلم ٺاهڻ جو حق ناهي؛ زوهيب

0Shares

ڪراچي ( شوبز نيوز ) راڳي ذوهيب حسن خبردار ڪيو آهي ته سندس مرحوم ڀيڻ نازيه حسين جي اڳوڻي مڙس کي سندس حياتي تي فلم ٺاهڻ جو ڪو به حق ناهي ۽ جيڪڏهن ڪنهن سندس ساٿ ڏيڻ جي ڪوشش ڪئي ته ته ان تي ڪيس ڪيو ويندو. پاڪستان ۾ پاڪ موسيقي جي راڻي جو خطاب ماڻيندڙ نازيه حسن جي شادي 30 مارچ 1995 تي واپاري مرزا اشتياق بيگ سان ٿي پر اها شادي گهڻو وقت ٽڪاءُ نه ڪري سگهي ۽ نازيه جي لاڏاڻي کان رڳو 10 ڏينهن اڳ ٻنهي وچ ۾طلاق ٿي وئي.نازيه حسن 13 آگسٽ 2000 کي 35 ورهين جي ڦوهه جوانيءَ ۾ ڪينسر جهڙي موذي مرض۾ وڪوڙجي وئي ۽ لنڊن جي هڪ اسپتال ۾ علاج دوران مالڪ حقيقي سان وڃي ملي. مرحوم ڳائيڻي جي ڀاءَ ذوهيب حسن سماجي رابطن واري ويب سائيٽ ٽوئيٽر تي جاري ڪيل پنهنجي پيغام ۾ چيو آهي ته اسان کي خبر پئي آهي ته نازيه جو اڳوڻو مڙس سندس حياتي تي فلم ٺاهڻ جي ڪوشش ڪري رهيو آهي، جنهن ۾ هو پنهنجو پاڻ کي پيش ڪري سگهي ۽ نازيه حسن جي نالي ۽ شهرت کي استعمال ڪندي منافعو ڪمائي سگهي. ذوهيب حسن وڌيڪ لکيو ته ان شخص(نازيه حسن جي اڳوڻي مڙس) جي مدد ڪندڙن خلاف اسان جي خاندان طرفان قانوني ڪيس ڪيو ويندو، ڇاڪاڻ ته کين ائين ڪرڻ جو ڪو به قانوني اختيار ناهي. ياد رهي ته نازيه حسن پاڪستان ٽيلي ويزن جي پروگرام ”سنگ سنگ“ ۽ ”ڪليون ڪي مالا“ سان پنهنجي فني سفر جي شروعات ڪئي هئي، جنهن بعد کيس شهرت ملي ۽ هوءَ 70 ۽ 80 وارن ڏهاڪن ۾ ملڪ جي پاپ انڊسٽري تي راڄ ڪرڻ لڳي. هن 13 ورهين جي عمر ۾ ڀارتي فلم” قرباني“ لاءِ گيت” آپ جيسا ڪوئي“ ڳايو جنهن کيس پوري ڏکڻ ايشيا ۾ شهرت جي بلندين تي پهچائي ڇڏيو. نازيه حسن کي 15 عمر ۾ فلم فيئر ايوارڊ سان پڻ نوازيو ويو ۽ هوءَ اهو ايوارڊ حاصل ڪندڙ پهرين پاڪستاني بڻي. نازيه حسن ۽ سندس ڀاءُ ذوهيب حسن جو جڳ مشهور ميوزڪ البم” ڊسڪوديواني“ 1981 ۾ ريليز ڪيو ويو هو.

0Shares

اپنا تبصرہ بھیجیں