سپريم ڪورٽ اورنج لائن ڪيس ۾ پنجاب جي وڏي وزير کي طلب ڪري ورتو

اسلام آباد(بيورو) سپريم ڪورٽ اورنج لائن ڪيس ۾ پنجاب جي وڏي وزير عثمان بوزدار کي طلب ڪري ورتو. چيف جسٽس رمارڪس ڏيندي چيو آهي ته اورنج لائن تي غير معياري ڪم ٿيو آهي ۽ رٿا وقت تي مڪمل نه ٿي آهي، پروجيڪتبابت عدالت جي جوڙيل ڪميٽي سان به سهڪار نه ڪيو ويو آهي، ٻڌايو وڃي ته دير جا ڪهڙا سبب آهن ۽ پهرين ٽرين ڪڏهن هلندي. پروجيڪٽ جي سربراهه سبطين علي عدالت ۾ پيش ٿي ٻڌايو ته ڪم مڪمل ٿيڻ بعد پهرين ٽرين ايندڙ سال 30 جولاءِ تي هلندي. سپريم ڪورٽ ۾ چيف جسٽس جي سربراهي ۾ اورنج لائن منصوبي بابت ڪيس جي ٻڌڻي ٿي. ٻڌڻي دوران ايم ڊي پراجيڪٽ سبطين فيصل چيو ته ايڪنڪ جي منظوري بعد ايل ڊي اي کي رقم ملڻي آهي، منصوبو جلد مڪمل ڪيو ويندو. چيف جسٽس پڇا ڪئي ته سول ورڪ جا ڪيترا پيسا رهيل آهن،  جنهن تي سبطين فيصل چيو ته 53 ڏهائي 168 ملين ڊالر سول ورڪ جا رهيل  آهن،  جڏهن ته 27 ملين ڊالر اڃا رهن ٿا، جنهن جي ڪجهه ادائيگي ٿي چڪي آهي. سبطين فيصل چيو مجموعي طور 6 ملين رهتون آهن،  منصوبي ۾ هن وقت تائين ڪا خاص تبديلي نه ڪئي وئي آهي. سبطين فيصل چيو ته 27 ڪلو ميٽر ڊگهو ٽريڪ آهي ۽ 26 اسٽيشن آهن، منصوبي لاءِ وڌيڪ رقم گهرجي، چيف جسٽس چيو ته پنجاب جي وڏي وزير کي گهرائي ٿا وٺون، جنهن تي سبطين فيصل چيو ته وڏي وزير کي گهرائڻ جي ڪا به ضرورت نه آهي. اسان گڏجي ويهي معاملو طئي ڪري ڇڏينداسين. چيف جسٽس چيو ته سمورا حصيدار پاڻ ۾ سپريم ڪورٽ ۾ گڏجاڻي ڪن ۽ عدالت کي آگاهه ڪن ته جيئن حڪم جاري ڪيون. چيف جسٽس چيو ته سڀاڻي وڏو وزير عثمان بوزدار ۽ ٻِيا ذميوار عدالت ۾ پيش ٿين، جنهن تي ايم ڊي ميٽرو پراجيڪٽ ڊائريڪٽر سبطين فيصل چيو ته انهن کي به گهرائڻ جي ضورت نه آهي. چيف جسٽس پهريون اجلاس ته اوهان کي سپريم ڪورٽ ۾ ويهي ئي ڪرڻو پوندو. چيف جسٽس رمارڪس ڏيندي چيو ته اورنج لائن تي غير معياري ڪم ٿيو آهي ۽ رٿا وقت تي مڪمل نه ٿي آهي، پروجيڪت بابت عدالت جي جوڙيل ڪميٽي سان به سهڪار نه ڪيو ويو آهي. عدالت چيو ته، ٻڌايو وڃي ته دير جا ڪهڙا سبب آهن ۽ پهرين ٽرين ڪڏهن هلندي. جنهن تي پروجيڪٽ جي سربراهه سبطين علي ٻڌايو ته ڪم مڪمل ٿيڻ بعد پهرين ٽرين ايندڙ سال 30 جولاءِ تي هلندي.