مان 35 سالن ٿي ويو آهيان، ان ڪري مون کي شادي ڪرڻ هرجي: رنبير ڪپور

ممبئي(شوبز نيوز) باليووڊ اداڪارا رنبير ڪپور ۽ عاليا ڀٽ جي لاڳاپن ۽ شادي جي حوالي سان گهڻي عرصي کان افواهون گردش ڪري رهيون ۽ هاڻ آخرڪار رنبير ان حوالي سان خاموشي ٽوڙي ڇڏي .ويجهڙائي ۾ ئي هندوستان ٽائمز کي ڏنل انٽرويو ۾ رنبير ڪپور ان موضوع تي کُلي ڳالهايو. رنبير ڪپور چيو ته اهي(افواهون) شوبز انڊسٽري جو حصو آهن، توهان هڪ ڪهاڻي ٺاهيندا آهيو، جلد ئي پهرين ڪهاڻي مان هڪ ٻي اسٽوري ٺهي ويندي آهي۽ پوءِ اهو سلسلو هلندو رهندو آهي. رنبير ڪپور چيوته کيس سدائين يقين رهيو آهي ته شادي هڪ اهڙي شيءَ آهي جيڪا فطري طور هوندي آهي، اهو بنهه ائين ناهي ته ٺيڪ آ مان 35 ورهين جو ٿي ويو آهي، انڪري هاڻ مونکي شادي ڪرڻ گهرجي. اهو فيصلو توهان کي توهان جي پارٽنر کي پاڻ ڪرڻ گهرجي ۽ توهان ٻنهين کي اهو محسوس ڪرڻ گهرجي ته  هاڻ هي مناسب وقت آهي ۽ اسان کي ان تعلق کي اڳئين مرحلي تائين وٺي وڃڻ گهرجي. ادڪار وڌيڪ چيو ته پر هن وقت اهڙو ڪجهه به ناهي، مان اڃا شادي جو فيصلو ناهي ڪيو. رنبير ٻڌايو ته پهريان به چئي چڪو آهيان ته هي سڀ ڪجهه نئون آهي، انڪري هن وقت ان حوالي سان ڪجهه چوڻ وقت کان اڳ هوندو. رنبير ڪپور چيو ته هو پنهنجي زندگي ۾ هڪ خوش، مثبت ۽ خوبصورت مرحلي تي آهي، پر توهان ذاتي زندگي تي هڪ حد تائين ئي ڳالهه ڪري سگهو ٿا، ٻي صورت ۾ توهان جي ذاتي زندگي حاوي ٿي ويندي آهي ۽ توهان جو ڪم پٺتي رهجي ويندو آهي. رنبير موجب ڪنهن جي ذاتي زندگي جي باري ۾ ڄاڻڻ لاءِ سدائين تجسس هوندو آهي، پر توهان چاهيو ٿا ته ان تعلق کي عزت ڏني وڃي ته جيئن ماڻهو ان حوالي سان ڳالهيون ڪري کيس بدنام نه ڪن. اهو تعلق توهان لاءِ تمام خوبصورت، مقدس ۽ انتهائي اهم هوندو آهي، انڪري توهان انهن معاملن مان تمام سٺي طريقي سان ڊيل ڪرڻ چاهيو ٿا. پنهنجي ايندڙ فلم ”برهمسترا“ ۾ عاليا ڀٽ سان گڏ ڪم ڪرڻ جي حوالي سان رنبير ڪپور جو چوڻ هو ته کيس اميد آهي ته فلم ۾ عاليا ڀٽ سان گڏ هڪ بهترين آن اسڪرين جوڙي ٺاهڻ ۽ سٺو ڪم ڪرڻ جو موقعو ملندو، انڪري مان تمام گهڻو پُرجوش آهيان ۽ هڪ تخليقي ڪاوش جي اميد ڪري رهيو آهيان. واضح رهي ته ان کان اڳ هلندڙ سال جون جي شروعات ۾ هڪ انٽرويو دوران رنبير ڪپور ان ڳالهه جو اعتراف ڪيو هو ته هو عاليا ڀٽ جي حقيقي زندگي ۽ اداڪاري جو ديوانو آهي. اهڙي طرح عاليا ڀٽ کان هڪ ٽاڪ شو دوران جڏهن رنبير ڪپور جي حوالي سان سوال ڪيو ويو هو ته هن خاموشي اختيار ڪندي چيو هو ته هو ان حوالي ڪجهه به چوڻ نٿي چاهي،  جڏهن رنبير ڪپور پڻ اهڙي سوال تي چيو هو ته هن وقت ان معاملي تي ڳالهائڻ وقت کان اڳ هوندو .

اپنا تبصرہ بھیجیں