تحريڪ انصاف جو اسد قيصر قومي اسيمبلي جو اسپيڪر ۽ قاسم سوري ڊپٽي اسپيڪر چونڊجي ويا، ن ليگ جو احتجاج، ووٽ کي عزت ڏيو جا نعرا

اسلام آباد(بيورو) پاڪستان تحريڪ انصاف جو اميدوار اسد قيصر قومي اسمبلي جي اسپيڪر جو حلف کڻي ورتو.   اسپيڪر اياز صادق جي صدارت هيٺ قومي اسمبلي جو اجلاس ٿيو، جتي ڳجهي راءِ شماري جي ذريعي پهرين مرحلي ۾ اسپيڪر جي چونڊ ڪئي وئي. پاڪستان تحريڪ انصاف جي طرفان اسد قيصر ۽ مخالف اتحاد طرفان سيد خورشيد شاهه کي اسپيڪر جي عهدي لاءِ نامزد ڪيو ويو هو. اسد قيصر 176 ۽ خورشيد شاهه 146 ووٽ حاصل ڪيا. پول ڪيل 330 مان 322 ووٽ منظور جڏهن ته 8 رد ڪيا ويا.پولنگ جي نتيجن جو اعلان ڪرڻ بعد سردار اياز صادق اسد قيصر کان عهدي جو حلف ورتو.اسد قيصر جي حلف کڻڻ واري موقعي تي مسلم ليگ ن اسمبلي ميمبرن سخت احتجاج ڪيو ۽ اڳوڻي وزيراعظم نواز شريف جي تصوير واري پوسٽر کڻي اسپيڪر ڊائس اڳيان جمع ٿي ويا. ن ليگي ميمبرن ان موقعي تي ”ووٽ کي عزت ڏيو“ وارا نعرا پڻ هنيا. جڏهن ته کين ڪاريون پٽيون پڻ ٻڌل هنيون، قومي اسمبلي جي نئين چونڊيل اسپيڪر ن ليگ جي سخت احتجاج سبب اجلاس 15 منٽ لاءِ ملتوي ڪيو جيڪو ٻيهر شروع ٿيو. پنهنجي پهرين خطاب ۾ قومي اسمبلي جي اسپيڪر اسد قيصر چيو آهي ته اهو  لازمي آهي ته اسان ذاتي مفادن کان هٽي ڪري ملڪي مفادن لاءِ ڪم ڪريون، اسان سڀني جي سڃاڻپ پاڪستان آهي، ان سان ئي اسان جي عزت ۽ وقار آهي اسان گڏجي ڪري پاڪستان جي خدمت ڪرڻ چاهيون ٿا. هن چيو ته ميڊيا کي خاطري ڪريان ٿو ته اسمبلي سيڪريٽريٽ طرفان هر قسم جو سهڪار مُهيا ڪيو ويندو. اجلاس جي شروعات تي قومي اسمبلي جي 5 چونڊيل ميمبرن حلف کنيو، جيڪي ڪنهن سبب ڪري 13 آگسٽ تي حلف نه کڻي سگهيا هئا. ڊپٽي اسپيڪر جي چونڊ ۾ تحريڪ انصاف جي نامزد اميدوار قاسم سوري 183 ووٽ کڻي ڊپٽي اسپيڪر چونڊجي ويو جڏهن ته گڏيل اپوزيشن جي اميدوار اسد محمود 144 ووٽ کنيا قاسم خان سوري پنهنجي عهدي جو حلف پڻ کڻي ورتو ڊپٽي اسپيڪر جي چونڊ ۾ ڪل 328  ووٽ ڪاسٽ ٿيا جن مان هڪ ووٽ رد ڪيو ويو قاسم سوري چيو ته منهنجو تعلق بلوچستان سان آهي افسوس جو بلوچستان گئس ڏي پر افسوس جو ان کي ڪالوني وانگر ڊيل ڪري نفرتون پکيڙيون ويون.

اپنا تبصرہ بھیجیں