سپريم ڪورٽ ننڍي پور ڪرپشن ڪيس ۾ ريفرنسز جا تفصيل طلب ڪري ورتا، جاچ مڪمل ڪرڻ جو حڪم

0Shares

اسلام آباد(بيورو) سپريم ڪورٽ ننڍي پور ڪرپشن ڪيس ۾ ريفرنسز جا تفصيل طلب ڪري ورتا، جاچ مڪمل ڪرڻ جو حڪم.  تفصيل موجب چيف جسٽس ميان ثاقب نثار جي سربراهي ۾ سپريم ڪورٽ جي 3 رڪني بينچ نندي پور پاور پراجيڪٽ ڪيس جي ٻڌڻي ڪئي، عدالت نيب کان تفصيل طلب ڪري ورتا،  ٻڌڻي دوران نيب پراسيڪيوٽر پيش ٿيو،  جڏهن ته نيب جي وڪيل جي عدالت کي آگاهي  ڏيندي ٻڌايو ته نندي پور منصوبي خلاف جاچ ٻڌڻي هيٺ آهي. چيف جسٽس ميان ثاقب نثار نيب جي وڪيل کان پڇاڻو ڪيو ته جاچ ڪڏهن کان ٻڌڻي هيٺ آهي ۽ نيب ۾ گڏيل طور تي ڪيتريون جاچ ٻڌڻي هيٺ آهن؟. نيب پراسيڪيوٽر عدالت کي ٻڌايو ته 20 فيبروري 2017ع تي جاچ شروع ٿي چڪي آهي، قانون واري وزارت 2 سال دير ڪئي، پر هاڻي جاچ آخري مرحلي ۾ آهي. جڏهن ته  سپريم ڪورٽ آف پاڪستان نندي پور منصوبي ۾ ڪرپشن ڪيس جي ٻڌڻي دوران نيب کان ٻڌڻي هيٺ ريفرنسن جا تفصيل طلب ڪري ورتا آهن. نندي پور پاور پراجيڪٽ پنجاب ۾ گذريل حڪومت جي دور ۾ تعمير ڪيو ويو، جنهن ذريعي 525 ميگاواٽ بجلي حاصل ڪرڻ جي دعويٰ ڪئي وئي پر مختلف سياسي پارٽين پاران منصوبي ۾ ڪرپشن جا الزام مڙهيا ويا. رپورٽن مطابق 2005ع ۾ ٺهندڙ نندي پور پاور پراجيڪٽ جي لاڳت 22 ارب کان وڌي 58 ارب رپيا تائين وڃي پهتي هئي. چيف جسٽس آف پاڪستان جسٽس ميان ثاقب نثار جي سربراهي ۾ سپريم ڪورٽ جي ٽه رڪني بينچ انندي پور پاور پراجيڪٽ ڪيس جي ٻڌڻي ڪئي. ٻڌڻي دوران نيب پراسيڪيوٽر پيش ٿيو ۽ عدالت کي آگاهه ڪيو ته نندي پور منصوبي خلاف جاچ ٻڌڻي هيٺ آهي. چيف جسٽس پڇاڻو ڪيو ته جاچ ڪڏهن کان ٻڌڻي هيٺ آهي ۽ نيب ۾ گڏيل طور تي ڪيتريون جاچ ٻڌڻي هيٺ آهن؟ نيب پراسيڪيوٽر ٻڌايو ته 20 فيبروري 2017ع تي جاچ شروع ٿي چڪي آهي، قانون واري وزارت 2 سال دير ڪئي، پر هاڻي جاچ آخري مرحلن ۾ آهي. هن ٻڌايو ته نندي پور منصوبو آئوٽ سروس ڪرڻ جي جاچ جون 2018ع ۾ شروع ٿي. ٻڌڻي دوران چيف جسٽس رمارڪس ڏنا ته اسان کي ذميوار جو تعين ڪرڻو آهي، دير جو ذميوار ڪير آهي؟ اڳوڻي نيب چيئرمين قمر زمان جي خبر وٺو، اهو اسلام آباد ۾ آهي؟ ڇونه دير تي اڳوڻي نيب چيئرمين خلاف ڪارروائي ڪريون؟ ان موقعي تي چيف جسٽس نيب کي ڇنڊ پٽيندي چيو ته نيب ايترا ڏينهن ڪارروائي ۾ لڳائي ڇڏي ٿي، ڪيس الماڙين ۾ رکيا وڃن ٿا، ڇا نيب کي کلي ڇوٽ مليل آهي؟ چيف جسٽس وڌيڪ چيو ته هاڻي جيڪڏهن ڪنهن جاچ آفيسر جاچ ۾ ڪوتاهي ڪئي ته ان خلاف ڪارروائي ٿيندي.سپريم ڪورٽ، ننديپور پاور پروجيڪٽ منصوبي جي 6 هفتن ۾ جاچ مڪمل ڪرڻ جو حڪم ڏيندي چيو ته جاچ جلد مڪمل ڪري نتيجن کان آگاهه ڪيو وڃي .

0Shares

اپنا تبصرہ بھیجیں