ڪالاباغ ڊيم کي پنهنجي فيصلي ۾ رد ناهي ڪيو، ڪرپشن خلاف جهاد جي ضرورت آهي: چيف جسٽس

0Shares

ملتان (م ڊ) چيف جسٽس ثاقب نثار چيو آهي ته ملڪ ۾ ڊيمن جي تعمير اڻٽر آهي پر جڏهن ڊيمن لاءِ آواز اٿاريو ته سازشون شروع ٿي ويون. ملتان بار ۾ تقريب کي خطاب ڪندي جسٽس ثاقب نثار چيو ته ملڪ ۾ پاڻي بحران ان ڪري پيدا ٿيو، ڇو ته ڊيم ٺاهڻ تي ڌيان نه ڏنو ويو، ڪراچي ۾ پاڻي مافيا جي وبا هاڻ اسلام آباد اچي وئي آهي پر اسان کي ڊيم ٺاهڻا آهن، جنهن جي حفاظت عوام کي ڪرڻي پوندي ۽ سمورين سازشن کي رد ڪرڻو پوندو. هن چيو جڏهن اسان ڊيمن لاءِ آواز اٿاريو ته سازشون شروع ٿي ويون ۽ گلگت بلتستان ۾ تعليمي ادارا ساڙيا ويا، جيتوڻيڪ ڪجهه هفتا اڳ مان گلگت بلستان جو دورو ڪيو هو ۽ مون کي ٻڌايو ويو ته اتي ڪيتري ئي عرصي کان چوري يا قتل جو ڪو واقعو پيش ناهي آيو. سندس چوڻ هو ته جن ڊيمن تي ڪو تڪرار ناهي اهي اڳ ۾ ٺهندا، پنهنجي فيصلي ۾ ڪالا باغ ڊيم کي رد ناهي ڪيو پر لکيو آهي ته سمورن صوبن کان صلاح ورتي وڃي. جسٽس ثاقب نثار چيو ته پاڪستان تحفي ۾ ناهي مليو، هن ملڪ لاءِ وڏيون قربانيون ڏنيون ويون، جنهن جدوجهد جي نتيجي ۾ ملڪ ٺهيو، ڇا اسان ان جي حفاظت ڪئي؟ قائداعظم ۽ لياقت علي خان جي وڃڻ کانپوءِ پاڪستان تي رڳو ڪرپشن راڄ ڪيو. هن چيو ته ڪرپشن سان گڏ نااهلي ۽ ٻين بيمارين جنم ورتو پر اسان کي پنهنجي ٻارن جي مستقبل لاءِ ڪرپشن ختم ڪرڻي آهي ۽ ڪرپشن خلاف جهاد جي ضرورت آهي. چيف جسٽس چيو ته پاڪستان کان وڌيڪ ڪو مفاد ناهي، ترقي لاءِ بنيادي حق لازمي آهن، تعليم آئين تحت هاڻ بنيادي حقن جو حصو آهي پر ملڪ ۾ هن وقت تعليم کپائي پئي وڃي ۽ پبلڪ ايجوڪيشن نه هجڻ برابر آهي، تعليم کي ڪاروبار بڻجڻ نه ڏينداسين.5

0Shares

اپنا تبصرہ بھیجیں