مني لانڊرنگ ڪيس: آصف ۽ فريال جي آءِ ٽي آڏو پيش نه ٿيا، ايف آءِ اي پاران سپريم ڪورٽ وڃڻ جو فيصلو

0Shares

اسلام آباد (بيورو) ايف آءِ اي مني لانڊرنگ ڪيس ۾ اڳوڻي صدر آصف علي زرداري ۽ فريال ٽالپر کي ڪالهه طلب ڪيو پر ٻئي ڄڻا پيش نه ٿيا. ايف آءِ اي بي نامي اڪائونٽ مان مني لانڊرنگ ڪيس ۾ 32 ماڻهن خلاف جاچ ڪري رهي آهي جنهن ۾ آصف علي زرداري ۽ فريال ٽالپر به شامل آهي. ذريعن موجب فريال ٽالپر ايف آءِ اي جي جي آءِ ٽي اڳيان پيش نه ٿيڻ جو فيصلو ڪيو آهي ۽ ان حوالي سان ايف آءِ اي کي خط لکي ڇڏيو آهي. فريال ٽالپر ايف آءِ اي جاچ ٽيم جي سربراهه نجف مرزا کي تبديل ڪرڻ جو مطالبو ڪيو آهي ۽ نئون سربراهه مقرر ڪرڻ جي به درخواست ڪئي آهي. هڪ خانگي ٽي وي چئنل سان ڳالهائيندي ناليواري قانوندان فاروق ايڇ نائيڪ چيو ته 2005ع ۾ آصف زرداري نجف مرزا خلاف ڪيس داخل ڪرايو هو سندس موجودگي ۾ صاف ۽ شفاف جاچ ممڪن ناهي، شفاف ٽرائل لاءِ شفاف جاچ ضروري آهي. هن چيو ته اسان ايف آءِ اي سان مڪمل سهڪار ڪرڻ لاءِ تيار آهيون، فريال ٽالپر اثاثن جا تفصيل جمع ڪرائڻ لاءِ لاڙڪاڻي ۾ آهي. هڪ سوال جي جواب ۾ فاروق ايڇ نائيڪ چيو ته آصف زرداري کي طلبي جو نوٽيس ملڻ يا نه ملڻ بابت ڪابه ڄاڻ ناهي. ٻئي طرف آصف زرداري ۽ فريال ٽالپر خلاف مني لانڊرنگ ڪيس ۾ اهم اڳڀرائي جي دعويٰ ڪئي وئي آهي. ذريعن موجب هن وقت تائين 35 مان 23 ارب رپين جي مني ٽريل حاصل ڪئي وئي آهي. ٻئي طرف  ايف آءِ اي مني لانڊرنگ ڪيس ۾ آصف زرداري ۽ سندس ڀيڻ فريال ٽالپر خلاف سپريم ڪورٽ ۾ وڃڻ جو فيصلو ڪيو آهي. رپورٽن مطابق ايف آءِ اي پاران بار بار گهرائڻ باوجود آصف زرداري ۽ فريال ٽالپر ايف آءِ اي جي جاچ ٽيم آڏو پيش ناهن ٿيا. آصف زرداري ۽ فريال ٽالپر جي اهڙي عمل خلاف ايف آءِ اي پاران سپريم ڪورٽ ۾ وڃڻ جو فيصلو ڪيو ويو آهي. مني لانڊرنگ ڪيس جي سلسلي ۾ ايف آءِ اي جي جاچ ٽيم جو اجلاس ٿيو. اجلاس ۾ آصف زرداري ۽ فريال ٽالپر جي مسلسل غير حاضري جو جواب تيار ڪيو ويو. ايف آءِ اي ان حوالي سان سپريم ڪورٽ سان رابطو ڪرڻ جو فيصلو ڪيو ۽ جاچ ٽيم پنهنجي رپورٽ سپريم ڪورٽ ۾ پڻ پيش ڪندي.5

0Shares

اپنا تبصرہ بھیجیں