ن ليگ ۽ پ پ پاران پارليامينٽ ۾ ويهي گڏيل اپوزيشن جو ڪردار ادا ڪرڻ تي اتفاق

0Shares

اسلام آباد (بيورو) چونڊن کانپوءِ صورتحال جو جائزو وٺڻ ۽ امڪاني تعاون جي معاملي تي مسلم ليگ ن ۽ پيپلز پارٽي وچ ۾ اعليٰ سطح جون ڳالهيون ٿيون. رپورٽ موجب پيپلز پارٽي جي ڳالهين واري ڪميٽي سردار اياز صادق جي گهر پهتي جتي باقاعدا ڳالهين جي شروعات ٿي، ڳالهين جي ايجنڊا ۾ چونڊ نتيجن، حڪومت سازي، پارليامينٽ جو بائيڪاٽ ۽ حلف نه کڻڻ جي نقطن سميت ٻيا معاملا شامل هئا. مسلم ليگ ن جي ٽي رڪني ڪميٽي ۾ اڳوڻو وزيراعظم شاهد خاقان عباسي، اياز صادق ۽ سردار مهتاب جڏهن ته پيپلز پارتي جي ڳالهين واري ٽيم ۾ سيد خورشيد شاهه، شيري رحمان ۽ فرحت الله بابر نويد قمر يوسف رضا گيلاني شامل هئا. ان کانپوءِ ڳالهين جي حوالي سان ميڊيا کي بريفنگ ڏيندي فرحت الله بابر جو چوڻ هو ته ٻنهي پارٽين جو اتفاق آهي ته اليڪشن 2018ع چوري ٿي وئي ۽ چونڊ عمل جي حوالي سان اليڪشن ڪميشن ناڪام رهي جڏهن ته ٻنهي پارٽين جو مطالبو آهي ته اليڪشن ڪميشن استعيفيٰ ڏئي ڇڏي. هن چيو ته ٻنهي پارتين جي نمائندن مشاورت ڪئي ته اڳتي ڪيئن هلڻ گهرجي، ٻنهي پارٽين فيصلو ڪيو ته اسان کي پارليامينٽ جو پليٽفارم نه ڇڏڻ گهرجي. فرحت الله بابر جو وڌيڪ چوڻ هو ته اسان جو وفد متحدا مجلس عمل سان به ملندو انهن جي سامهون به اسان پنهنجو موقف پيش ڪنداسين ان کانپوءِ هڪ ٻئي ملاقات ٿيندي جنهن ۾ گڏيل موقف پيش ڪيو ويندو. ٻئي طرف پيپلز پارٽي جي اڳواڻ ۽ اڳوڻي اپوزيشن ليڊر خورشيد شاهه چيو آهي ته عمران خان اڪثريت ورتي آهي ته حڪومت ٺاهي، پنجاب ۾ حڪومت ٺاهڻ نه ٺاهڻ سان اسان جو تعلق ناهي. اسلام آباد ۾ ميڊيا سان ڳالهائيندي پيپلز پارٽي جي اڳواڻ خورشيد شاهه چيو ته اسان چونڊن کي رد ڪيو آهي پر ان جي باوجود پارليامينٽ وڃڻو آهي، اسان پارليامينٽ لاءِ گهڻو ڪجهه ڪيو آهي ۽ ٻين پارٽين کي به وڃڻ تي قائل ڪنداسين. هن چيو ته عمران خان اڪثريت ورتي آهي ته حڪومت ٺاهي، پنجاب ۾ حڪومت ٺاهڻ سان اسان جو تعلق ناهي. خورشيد شاهه وڌيڪ چيو ته اڃان پارٽي جي اجلاس ۾ مسلم ليگ ن سان ڳالهين جي باري ۾ فيصلو ڪيو ويندو. ٻئي طرف پ پ وفد مولانا فضل الرحمان  ۽ سراج الحق سان پڻ ملاقات ڪئي ملاقات ۾ پارليامينٽ ۾ ڪردار ادا ڪرڻ تي خورويچار ڪيو ويو پ پ وفد مولانا فضل الرحمان کي پرچائي ورتو مولانا فضل الرحمان پ پ وفد کي چيو ته ايوان ۾ حلف نه کڻڻ جي حوالي سان اي پي سي جو فيصلو ڪيو ويندو مهلت ڏني وڃي ان موقعي تي خورشيد شاهه چيو ته اسان کي پارليامينٽ جو فورم نه ٻڌڻ گهرجي.5

0Shares

اپنا تبصرہ بھیجیں