پنجاب ۾ حڪومت سازي لاءِ جوڙتوڙ، ق ليگ پاران ن ليگ جو ساٿ ڏيڻ کان انڪار

0Shares

لاهور (بيورو) پنجاب ۾ حڪومت سازي لاءِ جوڙتوڙ جاري ن ليگ ۽ پي ٽي آءِ ۾ مقابلو  ق ليگ جو ن ليگ جو ساٿ ڏيڻ کان انڪار پنجاب ۾حڪومت سازي لاءِ ن ليگ ۽ پي ٽي آءِ ۾ مقابلو جاري  آهي ٻنهي پارٽين رابطا تيز ڪري ڇڏيا آهن وڌيڪ هڪ آزاد اميدوار تحريڪ انصاف ۽ شامل ٿي ويو آهي ٻئي طرف تحريڪ انصاف ۽ ق ليگ وچ ۾ اڄ ملاقات ٿيندي ق ليگ ن ليگ جو ساٿ ڏيڻ کان انڪار ڪري ڇڏيو آهي ق ليگ چيو آهي ته پنجاب ۾ تحريڪ انصاف جو ساٿ ڏينداسين ن ليگ جي مشاهد حسين پرويز الاهي سان رابطو ڪيو هو ٻئي طرف ق ليگ مرڪز ۽ پنجاب ۾ تحريڪ انصاف جي حمايت جو فيصلو ڪندي پنجاب ۾ ن ليگ جو ساٿ ڏيڻ کان انڪار ڪري ڇڏيو آهي. ذريعن موجب اهو فيصلو چوڌري شجاعت حسين جي سربراهي ۾ پارٽي جي مشاورتي اجلاس ۾ ٿيو. اجلاس دوران معاملي تي غور ڪيو ويو ۽ شرڪت ڪندڙن طرفان چيو ويو ته ق ليگ پي ٽي آءِ جي اتحادي آهي ۽ ان اتحاد کي وڌيڪ مضبوط ڪنداسين. ق ليگ جي اجلاس ۾ فيصلو ڪيو ويو ته مرڪز ۽ پنجاب ۾ تحريڪ انصاف جو ساٿ ڏنو ويندو. ذريعن موجب اجلاس ۾ ن ليگ بابت چيو ويو ته اها سدائين مفادن لاءِ رابطا ڪندي آهي. ن طرفان اياز صادق ق ليگ قيادت سان رابطو ڪيو هو. ذريعن موجب ن ليگ ق ليگ کي پنجاب ۾ مرضي جو عهدو ڏيڻ جي به آڇ ڪئي. پنجاب ۾ ن ليگ 127 سيٽن سان پهرين،جڏهن ته تحريڪ انصاف 123 سيٽن سان ٻئي نمبر تي آهي پر حڪومت ٺاهڻ لاءِ 29 آزاد اميدوارن جي اهميت وڌي وئي آهي. هوڏانهن پاڪستان تحريڪ انصاف جي ترجمان نعيم الحق چيو آهي ته سندس پارٽي وٽ پنجاب ۾ حڪومت ٺاهڻ لاءِ گهربل انگ موجود آهي آچر تي ميڊيا سان ڳالهائيندي نعيم الحق هڪ دفعو ٻيهر ان ڳالهه کي ورجايو آهي ته مرڪز ۽ پنجاب ۾ حڪومت ٺاهڻ جو پي ٽِي آءِ حق رکي ٿي. هن چيو ته خيبر پختونخواهه ۽ پنجاب جي وڏن وزيرن جي نالن لاءِ صلاح مشورا ڪيا پيا وڃن ۽ جلد ئي انهن جو اعلان ڪيو ويندو. جنهن کانپوءِ اميد آهي ته قومي اسيمبلي کانپوءِ صوبائي اسيمبلين جا اجلاس به گهرايا ويندا. سنڌ جي گورنر جي حوالي سان نعيم الحق چيو ته مان ٻڌائڻ چاهيان ٿو ته پي ٽي آءِ جي ڪنهن به اجلاس ۾ سنڌ جي گورنر جي حوالي سان ڪا به ڳالهه نه ٿي آحي. چوڌري پرويز الاهي جي حوالي سان نعيم الحق چيو ته کيس مسلم ليگ ق جي قيادت جي عمران خان يا ڪنهن ٻئي اڳواڻ سان ملاقات جي خبر ناهي پر جيئن ئي کيس خبر پوندي ميڊيا کي ڄاڻ ڏني ويندي. نعيم الحق چيو ته پنجاب جو وڏو وزير تحريڪ انصاف مان هوندو. هن واضحڪيو ته چونڊن ۾ هارايل غلط پروپئگنڊه ۽ ڪوِڙي سياست ڪري رهيا آهن هن جمعيت علماءِ اسلام (ف) جي سربراهه جو نالو وٺي چيو ته مولانا فضل الرحمان وڏين پارٽين وانگر ذميواري جو مظاهرو ڪري ۽هار مڃي.5

0Shares

اپنا تبصرہ بھیجیں