تحريڪ انصاف کي واضح برتري، پنجاب ۾ پوزيشن مضبوط، ن ليگ کي لوڏو، سنڌ ۾ پ پ اڪثريت سان ڪامياب

0Shares

ڪراچي  (چيف رپورٽر) ڪراچي(چيف رپورٽر) پولنگ جو عمل مڪمل ٿيڻ بعد چونڊ نتيجا اچڻ جو سلسلو جاري آهي آهي، غيرحتمي ۽ غيرسرڪارينتيجن موجب پاڪستان تحريڪ انصاف کي قومي اسمبلي جي 120 جڏهن مسلم ليگ ن کي 62 سيٽن تي برتري حاصل آهي.غير حتمي ۽ غيرسرڪاري نتيجن موجب پيپلز پارٽي کي قومي اسمبلي جي 40، متحدا مجلس عمل کي 13، اڪيو ايم پاڪستان 6 ۽ گرينڊ ڊيموڪريٽڪ الائنس کي 21 سيٽن تي برتري حاصل آهي. اهڙي طرح بي اين پي مينگل 4، مسلم ليگ(ق) 4، عوامي مسلم ليگ ۽ اين اين پي کي هڪ هڪ سيٽ تي برتري حاصل آهي، قومي اسمبلي جي 14 سيٽن تي آزاد اميدوارن کي برتري حاصل آهي. پنجاب اسمبلي جي 46 سيڪڙو سيٽن جي غير حتمي ۽ غيرسرڪاري نتيجن موجب مسلم ليگ ن 129، تحريڪ انصاف کي 122 ۽ آزاد اميدوارن کي 31 سيٽن تي برتري حاصل آهي. سنڌ اسمبلي جي 35 سيڪڙو غير حتمي ۽ غيرسرڪاري نتيجن موجب  پاڪستان پيپلز پارٽي 75، تحريڪ انصاف کي 21 ۽ متحدا قومي موومنٽ پاڪستان کي 17 سيٽن تي برتري حاصل آهي. جي ڊي اي کي 13 سيٽن جي برتري حاصل آهي.  ٻئي طرف  پنجاب ۾ حڪومت ٺاهڻ لاءِ ن ليگ ۽ تحريڪ انصاف وچ ۾ دلچسپ مقابلو آهي، جتي غير سرڪاري ۽ غير حتمي نتيجن موجب ٻنهي پارٽين کي 122-122 سيٽون حاصل آهن. پنجاب اسيمبلي ۾ مجموعي طور سيٽن جو انگ 371 آهي، جن مان 66 سيٽون عورتن ۽ 8 اقليتن لاءِ مخصوص آهن ۽ ڪنهن به پارٽي کي حڪومت ٺاهڻ لاءِ 149 سيٽن گهربل آهن. هيل تائين وصول ٿيندڙ غير سرڪاري ۽ غير حتمي نتيجن موجب پ پ 5، ق ليگ 3، جيپ 2، پاڪستان مسلم ليگ 2 ۽ پاڪستان عوامي راج پارٽي هڪ سيٽ تي سرسي حاصل آهي. غير سرڪاري نتيجن موجب پنجاب ۾ 27 آزاد اميدوارن کي به سرسي حاصل آهي. ڪنهن به پارٽي کي حڪومت ٺاهڻ لاءِ آزاد اميدوار اهم ڪردار ادا ڪندا ۽ حڪومت ٺاهڻ لاءِ تحريڪ انصاف ۽ ن ليگ ۾ ننهن چوٽيءَ جو مقابلو آهي سنڌ اسيمبلي جي 130 جنرل سيٽن جي غير حتمي ۽ غير سرڪاري نتيجن موجب پ پ کي 75 سيٽن تي سرسي حاصل آهي، جنهن کانپوءِ اها صوبي جي سڀ کان وڏي پارٽي بڻجي سامهون آئي آهي ۽ حڪومت ٺاهڻ جي پوزيشن ۾ آهي. سنڌ اسيمبلي جي ايوان ۾ مجموعي طور سيٽن جو انگ 168 آهي، جنهن ۾ 29 سيٽون عورتن، جڏهن ته 9 سيٽون اقليتن لاءِ مخصوص آهن. ڪنهن به پارٽي کي حڪومت ٺاهڻ لاءِ 68 سيٽون گهربل آهن ۽ غير سرڪاري نتيجن موجب پ پ 75 سيٽن سان مضبوط پوزيشن ۾ آهي ۽ لاڳيتو ٽيون ڀيرو ايندڙ 5 سالن لاءِ صوبي ۾ حڪومت ٺاهيندي. ٻين پارٽين ۾ تحريڪ انصاف 18، ايم ڪيو ايم پاڪستان 12، گرينڊ ڊيموڪريٽڪ الائنس 13، ن ليگ ۽ متحدا مجلس عمل هڪ – هڪ سيٽ تي ڪاميابي حاصل ڪئي آهي.

0Shares

اپنا تبصرہ بھیجیں