اي اين چيپل ٽيسٽ ڪرڪيٽ مان ٽاس ختم ڪرڻ واري تجويز جي مخالفت ڪري ڇڏي

0Shares

سڊني(اسپورٽس نيوز) اڳوڻي آسٽريلوي ڪپتان اي اين چيپل به ٽيسٽ ڪرڪيٽ مان ٽاس ختم ڪرڻ جي مخالف ڪري ڇڏي. اين اين چيپل چيو ته ڪرڪيٽ ايڊمنسٽريٽرن لاءِ سڀ کان اهم ڪم بيٽ ۽ بال جي وچ ۾ توازن برقرار رکڻ آهي ۽ هو ان ۾ مڪمل طور تي ناڪام نظر اچي رهيا آهن، هاڻ ٽيون فارميٽ به پنهنجي جاءِ پڪي ڪري چڪو آهي ۽ انڪري ٽنهي فارميٽن واري راند ۾ توازن برقرار رکڻ جي سخت ضرورت آهي، کين پنهنجن رانديگرن کي ٽنهي فارميٽن لاءِ پنهنجي صلاحتين کي بهترن بڻائڻ جي سهولت ڏيڻ گهرجي. هن چيو ته گال ٽيسٽ ۾ سريلنڪا جي هٿان ناڪام بعد ڏکڻ آفريڪي ڪپتان فاف ڊوپليسي ٽيسٽ ڪرڪيٽ مان ٽاس ختم ڪرڻ جو مطالبو ڪيو، سندس ان ڳالهه ۾ وزن تڏهن ٿئي ها جڏهن هو 126 ۽ 73 رنسن تي آئوٽ نه ٿيو هجي ها، جڏهن توهان خراب ڪرڪيٽ کيڏندا آهيو ته ان صورتحال ۾ پهريان بيٽنگ ڪرڻ يا بعد بيٽنگ ڪرڻ سان ڪهڙو فرق ٿو پوي. هن وقت ميزبان ٽيم طرفان جهڙي طرح جون وڪيٽون تيار ڪيون پيون وڃن انهن جو جواب ٽاس ختم ڪرڻ ناهي، جيڪڏهن ڪو ڪپتان اهڙي شڪايت ڪندو آهي ته کيس پاڻ کي به ان ڳالهه تي ڌيان ڏيڻ گهرجي ته سندن ميدان ۾ ڪنڊيشن هڪ جهڙي هجي هو هڪ مضبوط اٽيڪ جي چونڊ ڪري اهڙن بيٽسمينن کي ميدان تي لاهين جيڪي هر قسم جي ڪنڊيشن ۾ سٺي ڪارڪردگي ڏيکارين ۽ انهن جي ٽيڪنيڪ بهتر هجي. اي اين چيپل چيو ته جيڪڏهن موجودا دور ۾ ڪرڪيٽرن کي فرسٽ ڪلاس ليول تي پنهنجون صلاحيتون ڏيکارڻ جي سهولت ناهي ته پوءِ انهن کي ٽيسٽ ليول تي مختلف ڪنڊيشن ۾ ڪامياب ٿيڻ لاءِ تمام گهڻي مشڪل پيش ايندي. اسان جي سامهون ورات ڪوهلي ۽ جوئي روٽ جي مثال موجود آهي جيڪي پنهنجي صلاحيتون ڏيکارڻ تمام گهڻي ڊگهي فارميٽ واري راند کيڏندا آهن، هاڻ سڀ کان وڏو سوال اهو آهي ته جنهن انگ ۾ ٽي ٽوئنٽي ڪرڪيٽ کيڏي پئي وڃي ۽ جنهن نموني تيزي سان مختصر فارميٽ جون ليگون سامهون اچي رهيو آهن اهڙي صورتحال ۾ رانديگرن کي فرسٽ ڪلاس ليول تي پنهنجون صلاحيتن کي بهترن ڪرڻ جو موقعو  ملي به سگهندو يا نه.

0Shares

اپنا تبصرہ بھیجیں