بلاول پنهنجي پيءُ کان پڇي، رڳو ڪوڙ ٿو ڳالهائي، ادارا پيپلن جي ڪرپشن جو نوٽيس وٺن:جي ڊي اي

عمرڪوٽ (رپورٽ: نظر سميجو+سائينداد مڱريو): عمرڪوٽ ۾ جي ڊي اي جو تاريخي جلسو، عوام جو سمنڊ اٿلي پيو. عمرڪوٽ ڀرسان روحل واءِ ۾  جي ڊي اي جو تاريخي جلسو ٿي گذريو. جلسي کي خطاب ڪندي جي ڊي اي سربراهه پيرپاڳاري صبغت الله شاهه راشدي چيو ته اسان جو مقابلو زرداري ليگ سان آهي. پ پ هاڻي ذوالفقار علي ڀٽو جي پارٽي نه پر زرداري ليگ بڻجي وئي آهي.  هن چيو ته آئون شاهه محمود قريشي جو شريڪ ادا ڪيان ٿو ته جو عمرڪوٽ ۾ اليڪشن وڙهي رهيا آهن. 1980ع ۾ زرداري ڪائونسلر جي چونڊ وڙهيو ۽ ڪائونسلر به بڻجي نه سگهيو. پر بينظير سان شادي ڪرڻ بعد زرداري ۽ ان جو والد اسيمبلي ۾ آيا. ان جي دل ۾ اهو ضروري هوندو ته هن ان جي پيءُ کي پ پ مان ڪڍيو هو. جنهن سبب هو هاڻ پ پ جو خاتمو آڻي رهيو آهي. 2008 ۾ عوام پ پ کي هارايو ۽ اسان جا ميمبر ملڻ سبب پ پ حڪومت ٺاهي ۽ اڄ اسان جو ملڪ تباهه ٿي ويو آهي. ۽ قرضي ٿي ويو آهي. ملڪ ۾ پيدا ٿيندڙ هر ٻار قرضي آهي. جيڪو قرض کنيو پيو وڃي ان مان ڪرپشن ڪري اربين کربين رپيا ٻاهر موڪليا وڃن ٿا. سنڌ کي پ پ ختم ڪري ڇڏيو. ڪتو ڪتي کي نه کائي اهڙو پ پ وارن سنڌ کي کاڌو آهي. ڪمند جي تباهي ڪري ڇڏي 10 سالن ۾ ڪجهه ڪري نه سگهيا. وري ٻيا 5 سال پيا گهرن رهيل ڪسر پوري ڪري ڇڏيندا. هن چيو ته چونڊن ۾ هڪ ٽڪيٽ ڀٽو خاندان وٽ نه آهي. سڀ زرداري ليگ وٽ آهن. مخدوم امين فهيم منهنجو دوست هو بينظير شهادت بعد پ پ امين فهيم جي عزت نه ڪئي. جيڪا موجوده بينظير ڀٽو جي وصيت ڏيکاري آهي. اها ڪوڙي آهي. هتي ان جو گواهه ناهيد خان آهي. جلسي کي خطاب ڪندي صدرالدين شاهه راشدي چيو ته بلاول ڀٽو ڪوڙ ٿو ڳالهائي پنهنجي پيءُ کان پڇي 10 سالن ۾ ڪجهه نه ڪيو، سنڌ ۾ رڪارڊ ڪرپشن ڪئي وئي، ادارا تباهه ڪيا ويا، ادي ۽ اديءَ مان جان آجي ڪرائڻي پوندي، هن چيو ته ميڊيا کان شڪايت آهي، ايڏي وڏي جلسي جي ڪوريج نه ڪئي، هن چيو ته عزت وارا جيل ۾ دوستيون نه ڪندو آهي، زرداري ائين ڪيو عذير بلوچ جي جي آءِ ٽي پڌري ڪيو.صدر الدين شاهه راشدي چيو ته لٽيرن جو سج لهي ويندو، زرداري ليگ پويان ڪير به ناهي. شاهه محمود قريشي چيو ته آئون پيرپاڳاري جو شڪر گذار آهيان، جنهن اسان لاءِ وقت ڏنو هن چيو ته عمرڪوٽ جي تاريخ جو سڀ کان وڏو جلسو اڄ ٿيو آهي، 2013ع ۾ وڏيون ڌانڌليون ٿيون، هاڻي ڌانڌليون ٿيڻ نه ڏينداسين، آخرڪار زرداري کي ايڏو ڀئو ڇو آهي، ايندڙ چونڊن ۾ پ پ کي شڪست نظر اچي رهي آهي، پ پ سنڌ ۾ ڪي به ترقياتي ڪم نه ڪرايا، عوام کي مهانگائي، بک ۽ بدحالي کانسواءِ ڪجهه به نه ڏنو ويو. شاهه محمود چيو ته سنڌ جو عوام سجاڳ ٿي چڪو آهي، هاڻي 2018ع جي چونڊن ۾ 2013ع وانگر نه ٿيندو، جي ڊي اي پي ٽي آءِ سان ملي تبديليي آڻي ڇڏي آهي، آصف زرداري اڄ ڏسي وٺ تون هيرو آهين يا زيرو جڏهن تبديلي ايندي آهي ته فرعون جي گهر ۾ موسيٰ جنم وٺندو آهي. جلسي کي خطاب ڪندي ارباب غلام رحيم چيو ته اڄوڪو جلسو تاريخي آهي،اقليتي برادري اسان جو وڏو آڌرڀاءُ ڪيو آهي، جي ڊي اي لٽيرن ۽ مافيائن مان جان آجي ڪرائڻ لاءِ ٺهي آهي، ادارا پيپلن جي ڪرپشن جو نوٽيس وٺن، جي ڊي اي مخالفن کي 25 جولاءِ تي شڪست ڏيندي. جلسي کي خطاب ڪندي جادم مڱريو ۽ دوست محمد ميمڻ چيو ته تبديلي اچي چڪي آهي، پ پ عوام سان دوکا ڪيا، 25 جولاءِ تي پ پ دفن ٿي ويندي، پيپلن ڌاڙا هنيا، اسان جي قيادت پاڪستان جي آهي، تاج شاهه جيلاني چيو ته هتان جو عوام پيراڻين گادين سان گڏ آهي. لال مالهي چيو ته عمرڪوٽ جي اقليتي برادري اسان سان گڏ آهي، رزاق راهمون چيو ته هن ڀيري عمرڪوٽ ۽ ٿرپارڪر ۾ پ پ کي شڪست ملنددي، عوام پ پ مان بيزار آهي. ٻئي طرف جي ڊي اي جي جلسي ۾ ديوان چيتن مل آرواڻي، سلطان مري وفد جي صورت ۾ شرڪت ڪئي.

اپنا تبصرہ بھیجیں